الرئيس السيسي: «بنحاول نكون عامل استقرار وسلام على مختلف الاتجاهات»
أكد الرئيس عبدالفتاح السيسي، أن مصر دائمًا تكون عامل استقرار وسلام، على مستوى جميع الاتجاهات الاستراتيجية لها.
وقال الرئيس السيسي، خلال كلمته في فعاليات الندوة التثقيفية الـ39 للقوات المسلحة، بمناسبة الاحتفال بذكرى يوم الشهيد: «في حد قالي مش أنتوا عندكم أقوى جيش، طب ما يلا.. أحنا بنتحمل ونساعد على قد ما نقدر مع حفاظنا على بلدنا، وبنحاول نكون عامل استقرار وسلام ومنشعلش أبدًا حرائق هنا أو هنا سواء في الاتجاه الجنوبي أو غيره».
العمل والصبر
وأوضح الرئيس السيسي: «عمري ما عاتبت حد وقلت وعدتوني إن إحنا هنبقى وهنبقى، لكن الظروف الصعبة اللي إحنا اللي فيها دي مجتش من مغامرة».
وأضاف: كلامي متغيرش من البداية وأهم حاجة العمل والصبر، ومقلتش أبدًا أنا لها أنا لها، وأنا أخلصكم، هاتوا كل كلامي من الأول أثناء الترشح هتلاقوا كلامي مبيتغيرش، لأن التوصيف مبيتغيرش، الظروف حلها الوحيد إحنا، وقلت قبل كده العمل والصبر هما الحل».
تحسن الأمور
وكشف الرئيس السيسي: «بقول الأمور ابتدت تتحسن، أنا مغمرتش بيكم، ومخدتش قرار أضيع بيه مصر، مغمرناش علشان خاطر هوا أو فهم خاطئ أو تقدير منقوص، أحنا مش فاسدين ومخدناش أموالكم وضيعناها بفساد أو دلع، وكل حاجة اتعملت على أرض مصر أي حد يشوفها».
وذكر: «أنا قولتلكم تعالوا نتولى المسؤولية، وليست المسؤولية قاصرة عليا لوحدي، والكلام مش بيتغير لأن التوصيف لا يتغير، الظروف حلها الوحيد العمل والصبر، عمري ما عاتبت حد، الظروف الصعبة اللي أحنا فيها دي مش أحنا اللي عملناها بمغامرة».
الندوة التثقيفية
ويشهد الرئيس السيسي، صباح اليوم السبت، فعاليات الندوة التثقيفية الـ39 بمناسبة الاحتفال بـ يوم الشهيد والمحارب القديم؛ تخليدًا لأرواح الشهداء والتذكير بالتضحيات التي قاموا بها في سبيل الحفاظ على الوطن.
