شيرين عبد الوهاب في حوار مع جمهورها: خرجت من الاكتئاب بالصلاة ولن أعود لحسام حبيب
من جديد تواصلت شيرين عبد الوهاب مع جمهورها في جلسة أسئلة وأجوبة عبر خاصية القصص القصيرة في حسابها على Instagram.
وكشفت شيرين أنها أحبت الفكرة لأنها تقربها من جمهورها، لذا طلبت منهم أسئلة جديدة مؤكدة أنها ستجيب عليها بنفسها.
وفيما يلي نستعرض أبرز إجابات شيرين عبد الوهاب على أسئلة جمهورها:
لسه بتحبي حسام حبيب أو خلاص قدرتي تشيليه من قبلك؟
- أنا مش بحبه ولا بكرهه.
لو حسام طلب منك ترجعي له تقبلي ولا ترفض؟
- أرفض طبعا.
عديتي الاكتئاب إزاي؟
- بالصلاة.
لما شيرين بتعدي في مشكلة كبيرة بتتماسك إزاي؟ وبتصبر نفسها إزاي؟
- بالتفكير الإيجابي والشغل بينسي.
أهم درس تعلمتيه في حياتك؟
- أني ما أديش ثقتي لحد.
شيء مجنون حابه تجربيه؟
- ركوب الأمواج.
أكتر رياضة بتحبي تمارسيها؟
- السباحة.
لو شيرين أغنية هتكون إيه؟
- ممكن أبقى آلة موسيقية مافيش غنوة تقدر تلخصني لو آلة حكون الكوالة.
لو خيروكي تسافري المستقبل ولا ترجعي الماضي؟
- أرجع الماضي، الماضي حلاوته أننا كنا بنستعمل ايدينا في كل حاجة.
ممكن تكتبي أغنية وتغنيها؟
- عملت كده كتير.
أغنية قديمة اكتشفتيها مؤخرا؟
- حلوين من يومنا والله.
حبيتي وأنتي في ثانوي، ولسه فاكره هذا الحب؟
- حبيت ولسه فاكراه طبعا، أنا مش بنسى أي حاجة ليها علاقة بالعاطفة في حياتي.
أحلى اسم دلع بتحبيه؟
- شوشو
إيه فلسفتك في الحياة؟
- حب ما تعمل لتعمل ما تحب.
ليه مختفية؟
- في حاجات بحضر ليها أخده وقتي وامتحانات الولاد فانا في معسكر في البيت وفي الاستديو.
هوياتك إيه بعيد عن الغناء والتمثيل؟
- الطبخ والتلوين.
عايزة تغيري إيه في حياتك أو تعدليه؟
- الحمد لله أنا راضية عن حياتي وبغير حاجات بسيطة في روتيني اليومي عشان أكون أسعد وأنشط.
حاليا بتتابعي مسلسل إيه؟
- مسلسل "البيت بيتي" لفت نظري جدا.
مين الفنان اللي حاسه لو اشتغلتي معاه هتنجحوا جدا؟
- كريم عبد العزيز.
إجابات شيرين عبد الوهاب
فيلم بتحسي أنه شبهك ومتمليش منه؟
Eat Pray Love.
تؤمني بطاقة الجذب؟
- جدا جدا، دا علم وحاجة حقيقية وأنا جربتها في حاجات كتير.
على جانب آخر، أكد المستشار جميل سعيد أنه لا جديد في قضية النجمين شيرين عبد الوهاب وزوجها السابق حسام حبيب.
وقال سعيد: "أنا لست محامي شيرين عبدالوهاب ولكن محامي حسام حبيب وبدعو لهما بالتوفيق ويكون خلافهما زوبعة في فنجان ويعودا إلى بعضهما، والقضية منظورة أمام القضاء وأتمنى انتهاء الأزمة"، حسب تصريحاته في برنامج "حضرة المواطن" الذي يقدمه الإعلامي سيد علي.
