جيلان علاء: «اشتغلت في بنك 3 شهور و نفسي أعمل فوازير»
قالت الفنانة جيلان علاء إن بداية عملها كانت في المدرسة ، حيث كانت تقلد المدرسين ، و كان لها فقرة علي مسرح المدرسة ، مضيفة:" كنت أقلد المدرسين و هما كانوا مبسوطين اوي، و بابا كان رافض إني أمثل و كان رافض الإعلام لكن بعد كده اقتنع".
وأضافت جيلان علاء -خلال حوارها لبرنامج ع اللوكيشن مع شريف الليثي علي راديو هيتس- أشتغلت في الإذاعة فترة طويلة، :" عملت اسكتشات مع بكري خالد علي YouTube، و مكنش حد بيدعمني خالص و لا حد من أهلي كان مشجع فكرة التمثيل ولا الإذاعة، فمثلا مامتي "Banker "و بابا "ضابط “ وكان عازوني أشتغل في بنك، اشتغلت في بنك ٣ شهور بس مكملتش ”.
وتابعت :" اشتغلت مع إسعاد يونس في برنامج صاحبة السعادة، كنت مذيعة معاها في الموسم الأول، و الراديو ممتع جدًا علشان بتحس إنك المحفز للناس في طريقهم".
وعن نقاط التحول في حياتها فقالت إن أول نقطة تحول في حياتها كانت مسلسل "ريح المدام"، و أول فيلم لها كان الكويسين ، مضيفة:" بعرف أغني و بلعب بيانو و ودني موسيقية جدًا و بفهم في الآلات".
واختتمت قائلة:" غنيت مع فرقة أيامنا الحلوة و كنت بعمل شخصية الفنانة ماجدة ، و نفسي أعمل فوازير و مسرحية كوميدية.
