«حته مني».. رنا سماحة تحتفل مع زوجها بمولودها القادم بتلك الطريقة
رنا سماحة عادت لخطف الأنظار في الساعات الماضية بعد أن نشرت مقطعا على حسابها الرسمي بموقع تبادل الصور والفيديوهات القصيرة “إنستجرام” ظهرت فيه رنا سماحة مع زوجها الملحن سامر أبو طالب.
أظهر الفيديو الذي نشرته المطربة رنا سماحة حالة من البهجة بينها وبين زوجها وهو يقدم لها هدية للمولود القادم لتعلن أمام الجمهور إنهاء حالة الجدل التي أثيرت مؤخرًا وتسببت في نشر شائعة انفصال رنا سماحة وزوجها.
سامر أبو طالب يوجه رسالة لـ رنا سماحة
ومع الفيديو نشرت رنا سماحة رسالة من زوجها سامر أبو طالب على حسابها الرسمي بموقع إنستجرام يقول فيها: “أولا الحمد لله، ثانيا هقول الكلمتين الجايين دول لـأم مالك، مراتي حبيبتي وأم ابني اللي اكتشفت في الفترة اللي فاتت دى أني ماقدرش أعيش من غيرها ولا حتى بكون مبسوط في أي حاجة حتى أبسط الأشياء هي لازم تكون فيها معايا بحبها أوى بجد يمكن كنت أوقات بعند بس اكتشفت أنى فعلا ما ينفعش أكون غير ليها وهى ماتنفعش تكون غير ليا”.
سامر أبو طالب يعتذر لزوجته
واعتذر سامر أبو طالب لزوجته قائلًا خلال الرسالة: "آسف لو زعلتك في أي حاجة وربنا يباركلي فيكي ويحفظنا من كل شر ويبعد عنا الحسد والحقد واللي كارهين يشوفونا مرتاحين وهاديين، والحمد لله دائما وأبدا".
وعن مولوده القادم قال سامر أبو طالب في رسالته لـ رنا سماحة: "نيجى بقى لـ"برنس قلبى" ابنى وقرة عيني حبيبي وصاحبي وأخويا اللى لسه ماشوفتوش (مالك) مش هقولك غير إني بحبك ولما تيجى بالسلامة هقولك حاجات كتير أوى نفسى أقولهالك ومش هتفارق حضنى أبدا، بحبك يا رنا وبحبك يا مالك.. شكرًا للناس اللى كانوا بيكتبولى كلمة حلوة عشان عاوزين يشوفونا تانى مع بعض".
ومن جانبها، قالت رنا سماحة على إنستجرام في رسالة لزوجها: "الحمد لله يا حبيبي ربنا يخلينا لبعض يا رب ويخليك ليا ولمالك يا رب ويبعد عننا أي حاجة وحشة.. عيشنا فترة صعبة والحمدلله أنها عدت، مفيش بنا أسف يا أبو مالك بس عارف لو عملت كده تاني.. ربنا ميحرمناش من بعض ويحفظ بيتنا ويكبر ويعمر بوجودك وسطنا يا رب أمين.. بحبك يا جوزي".
