بعد الإعلان عن حفلته الجديدة.. ابنة فيروز تفتح النار على حفيد الرحباني

هاجمت ريما عاصي الرحباني، ابنة فيروز، بضراوة  عازف البيانو الموسيقي عمر الرحباني - حفيد الراحل منصور الرحباني- بعد أن أعلن عن تقديم حفل موسيقي في كازينو لبنان، يوم 12 أكتوبر الجاري.

وأصدرة ابنة فيروز عبر موقع فيسبوك و بعد ساعات بيانا بمشاركة شقيقها المؤلف الموسيقي زياد الرحباني، حذرت فيه كافة الجهات، وبما فيهم أسرة عمها الراحل منصور الرحباني، من استغلال أعمال الأخوين عاصي ومنصور الرحباني، بدون إذنهم أو موافقتهم.

وكتبت ريما ابنة فيروز تقول :"عطفاً على البيان والتحذير الرسمي صباحاً بعض التوضيحات الريماويّة، تحذير الصبح بيخِصْ كل العالَميّين والعالَميّات، الفنّانين والفنّانات، الراقصين والراقصات، الممثّلين والممثّلات، المُخرجين والمُخرجات، المؤلّفين والمؤلّفات، المُوزّعين والمُوزّعات، التَكريميّين والتَكريمييّات، والأوماجيّين والأوماجيّات،’ كما وانّو التحذير بيخِصْ فوراً العالميّين الفَوْق البَنَفسَجيّين جداً جداً جداً ".

وتابعت ابنة فيروز عبر صفحتها الشخصية :" نمِى إليّ إنّو المينور الرحباني عندو حفلة بِ ١٢ الجاري فا قبلما يِجْري ويكَتّر بالكازينو، بالمطرح اللي مَنَعوا عمومته فيروز من إنّها تعيد مسرحيّتها إلها (يعيش يعيش)، يا سبحانك يا رب، كوم تو في بيان لي شوز ، أولا بنصحك بروغرامك ما يكون ذاتو لأنّو مش حا يقطع ولا بأي شكل، يعني من اللي عَزَفتو وتاجرت فيه وتعربَشت عا ضهرو بالكويت، وسوّقتلو على انّو رحبانيات عمر!، وجع منين لوين رحبانيات عُمَر؟، شو الك فيهن أنت هول الرحبانيّات؟ ، اللي بيسمعك بيفكرك مألّفُن!، استحي عا زِغْرَكْ! ، والا فكرك تقفّي عا رُباعيات عمر الخيّام مثلاً!! ، لاء نافخ حالك منيح ومن بَدري آوي! ،ولك بس والله عيب! ".

و أضافت،:"كنّا عم نقول من حفلة الكويت بس تشيل الفيروزيات، ما بيبقالك إلا خمس قطع فقط لا غير! يعني اونلي، فشوف شو بتحِب تعمل! بتحب تلغي بتحب تمرُق بهالخمس قطع كا برأيك، خلال حفلة لحدا غيرك عندو شي يقولو أكتر منّك! انت حُرْ! ، بس اوعى تغلط! فهمت؟، حاجتك تجارة ومُتاجرة، وبعدين نقّيلك لَوْن غير الفيروزي! كا إِپلون، قطيعة حتّى بهاي أفيش إبداع؟ ، عالدعسة بالألوان كمان؟ ".

وتابعت ابنة فيروز"هلق كا نصيحة بما إنو خمس قطع ما بيعملوا حفلة استعين بجدّك، بساعدك اذا بدّك!، في عنده الحجارة ، فيك توزّعا حجرة حجرة!، في عندو بصباح الألف التالت! ، معمول عليها تباديع! معك مجال! التالت والرابع والسابع... قدما بدّك، سوري المشكل مش حافظة عناوين أُخرى تساعدك أكتر ".

وفي إشارة إلى عمها منصور الرحباني، كتبت ابنة الفنانة فيروز تقول :" بس جدَّك شاغل ٢٣ سنة لوحدو خود من أعمالو إلو اصطفل انت وعمومتك وبيَّك! ، والحلو انّو بِ هيدول فيك تستعملُن بحجّة انّك عم تعرّف الجيل الجديد عليُن! ، بتزبط معك هيك! ، وبنفس الوقت بلكي بيكونوا أوفَر حظاً معك من مع جدَّك! ، عرفت حسب ما لاحظتك بتحب تضرب كذا حجر بفرد مرّة! مع جدك بتنقش!، بس معنا ماااا بتنقُش! إِيْ انتبه منيح!، هول أغاني فيروز أساسا مش لَعمرك فا اوعك بقى تمِد إيدك عليُن.. اي! جود بوي! ".

وأوضحت،:"ملاحظة هامّة جداً جداً انتبهت لها بعدما حطّيت البوست، إذا "رحلة إلى القمر" قاصد فيها جسر القمر! بيصفّي نوت اوكي! ، يعني بيبقالك أربع قطع، پوڤر مينور، ثم في حمّيل الدلو وا المانوكيان وا دقّيق البيانو الفاضل وا الطبل الكبير المأجور!، كمان التحذير ينطبق عليكُن! ، لعبتوا بما فيه الكفاية! إنما حذاري ثمّ حذاري تعيدوا، أي شي مش إلكُن ولا حتّى لو بدّكن تِدفَعوا ساسيم!، مُرتَجع مع الشكر! ، صروفوُن عا نبوغكُن الخاص، وحِلُّوا عن فيروز وعن الأخوين وعن زياد وعن فيلمون، وعن كل شي في فيروزيات بالكون! فهمتوا؟ ،لأن يَلِي هذه الخُطوة، خُطوِة ما بتِعجِبكُن بنوب! ، والله العظيم حاجة، أخي كلّكُن عالميّين إكسترا! وزحتونا بعالميّة! ، ورجونا عالميّتكُن بأعمالكُن انتو شو إلكن بغيركُن؟ ها؟ أدب سيس".

ابنة الفنانة فيروز والبيان الأول 

كانت ريما ابنة الفنانة فيروز قد أصدرت بمشاركة شقيقها الموسيقار اللبناني زياد الرحباني، بيانا عبر صفحتها وصفحة والدتها الفنانة فيروز، في موقع فيسبوك، بينا، جاء فيه، :"إن ورثة عاصي الرحباني مُمثَّلين بِ زياد عاصي الرحباني وريما عاصي الرحباني يُعلنون رَفضَهم التام لقيام أيٍّ كان، حتَّى ولو كان من ورثة منصور الرحباني، بإعادة تسجيل و/أو تصوير و/أو تكييف و/أو توزيع أيّة أعمال فنّية تعود للأخوين رحباني او زياد رحباني بدون موافقتهم، كما وأنَّهم يُحذّرون من منح أيّة أذونات ام إجازات للغير من طرف واحد تعود لأصحاب الحقوق مُجتمعين، وذلك إن في لبنان أم خارجه ومهما كانت الوسيلة او الإطار او المناسبة، لذا اقتضى التوضيح".

ويأتي البيان، الصادر باسم زياد ، وريما، أبناء المبدع اللبناني الراحل عاصي الرحباني، بعد نزاع دام سنوات، ووصل ساحات المحاكم، مع المؤلف الموسيقي أسامة الرحباني، و أشقائه عدي، ومروان "أبناء المبدع الراحل منصور الرحباني"، حول استغلال أعمال الرحبانية، حقوق الأداء العلني.