متحدث الرئاسة ينشر صور مشاركة الرئيس السيسي في مؤتمر «حكاية وطن»
نشر المستشار أحمد فهمى متحدث الرئاسة صور مشاركة الرئيس عبد الفتاح السيسي، في مؤتمر "حكاية وطن" بين الرؤية والإنجاز، اليوم السبت.
ويستمر المؤتمر على مدار ٣ أيام، حيث ينتهى في 2 أكتوبر المقبل، بالعاصمة الإدارية الجديدة، بمشاركة عدد كبير من السياسيين والإعلاميين ممثلي المجتمع المصري وأطيافه المختلفة فضلًا عن الخبراء والمتخصصين في شتى المجالات.
الرئيس السيسي للمصريين: «مصر هتكبر بالتضحية مش بالكلام»
افتتح الرئيس عبدالفتاح السيسي اليوم السبت جلسات مؤتمر حكاية وطن "بين الرؤية والإنجاز" بفندق الماسة العاصمة الإدارية الجديدة.
السيسي: البلاد بتكبر بالعمل والشقا والتضحية والإخلاص «مش بالكلام»
ورحب الرئيس عبد الفتاح السيسي، بحضور مؤتمر «حكاية وطن بين الرؤية والإنجاز»، لعرض إنجازات الدولة.
الرئيس السيسي قال في كلمته "هنحكي لكم الحكاية بتاعت مصر من 2011 لحد النهاردة ويعني ايه دولة تخطت تحديات كبيرة".
وقال الرئيس السيسي، خلال مؤتمر "حكاية وطن بين الرؤية والإنجاز"، عرضته قناة «إكسترا نيوز»: «الدولة المصرية كانت بتقابل تحديات كبيرة كانت كفيلة زي ما أنهت دول، وما وقفتش تاني، أنا بكرر الكلام ده كتير، وفي ناس تقولك بتكرر الكلام ده كتير ليه؟، بكرره للتذكرة، علشان قدام ربنا أقول قولت وكررت بدل المرة 100 مرة».
وأضاف الرئيس السيسي: «البلاد مش بتعيش وتنمو وتكبر كده، بتكبر وتنمو بعمل وشقا وتضحية وإخلاص وأمانة، ومش بالكلام».
جاء ذلك، في إحدى جلسات مؤتمر «حكاية وطن.. بين الرؤية والإنجاز» في العاصمة الإدارية الجديدة.
بناء مصر
وأضاف الرئيس السيسي: «في 2014 حد قالي أنت أيقونة مصر أيه اللي يدخلك الدولة دي لحسن بعد كده هيقطعوك، قولت لو ثمن بناها هو مش تقطيعي لو موتي أنا هعملها، أوعوا تفتكروا أن أنا جاي أقدم نفسي لكم، ده لا يليق خالص أحنا بننقذ دولة».
ديون مصر
وأكد الرئيس السيسي، أن مصر لم تستدن حتى عام 1970 لكن تداعيات الحرب فرضت عليها، الاستدانة، منذ عام 1971، لسد احتياجات الدولة التنموية والحربية.
وأوضح الرئيس السيسي: «العوز مش مشكلة، المشكلة أنك تقبله، والمشكلة أنك متبقاش مستعد أنك تقاتل من أجل انهائه، واللي قبل منا حاولوا، وعلشان أكون أمين كانوا ناس مصريين بيحبوا بلدهم، ويمكن حجم التحدي كان كبير أوي».
وتابع: «الرئيس السيادات وصل للسلام، وكان مقدر أن الحرب كان لها تأثير على الدولة المصرية حتى في ظل الدعم، لأن الدعم المطلوب كان كبير، لأنه يتم تخصيصه للدعم العسكري والاقتصادي».
الأزمة السكانية
وأضاف: «لابد من زيادة مواردنا، مصر عملت محاولات كثيرة لتجاوز الأزمة السكانية منذ الرئيس عبدالناصر والسادات ومبارك، وحتى الآن محققناش المعدل المطلوب، وتصوروا لو من 2011 لحد اليوم لو نمونا السكاني ثابت، والوفيات قد المواليد، من 2011 حتى الآن، عدد السكان زاد 25 مليون مواطن، وأساسًا عمر ما نسبة الوفيات اقتربت من المواليد».
تأثير أحداث 2011
واستكمل الرئيس السيسي حديثه: «خسرنا 450 مليار دولار في 2011، وكأن ملهمش تأثير، وكل أزمة هتتعمل فيك أو هتعملها هيبقى ليها تداعيات، وبقول الكلام ده مش ليا والمسؤوليين، لكن بقوله لكل إنسان مصري بسيط، الدولة بتدفع تمن الـ450 مليار دولار من لحمها الحي، وأنت كمواطن عاوز تعيش وأنا معاك، وعاوز تربي ولادك وأنا جمبك، وعاوز تشغلهم وده حقك، وهنعمل ده أزاي واحنا مش فاهمين الحكاية».
وذكر الرئيس السيسي: «عاوزين تخرجوا من الأزمة ولا نقعد نضحك على بعضنا؟!، الناس جت وقت كورونا في الوقت ده كان في 5 ملايين مصري شغالين في المشروعات، ومكنش ينفع يقعدوا».
