الرئيس السيسي للمصريين: «اصمدوا وحولوا الظروف القاسية لمنحة»
أوضح الرئيس السيسي، أن الحكومة تقوم بإصلاح مسار الدولة، واصفًا إياه بأنه مسار صعب للغاية، ويحتاج تكاتف الشعب مع أجهزة الدولة.
جاء ذلك، في إحدى جلسات مؤتمر «حكاية وطن.. بين الرؤية والإنجاز» في العاصمة الإدارية الجديدة.
إصلاح مسار الدولة
وأضاف الرئيس السيسي: «بنصلح مسار صعب أوي.. مسار الدول المتخلفة.. مسار السياسات التي تستهدف الاستمرار في المنصب، لأن اللي أحنا بنعمله لا يتناسب مع هذه السياسات تمامًا، وموضوع البلد أكبر كتير.. أنتوا عاوزين تعيشوا في أنهي دولة، اللي بيربي أسرة فيها 2 أو 3 بيتحمل ويعاني، علشان يربيهم ويعلمهم ويجوزهم، وأحنا عاوزين نبني مصر، وعاوزنها تكون ناجحة.. وهو في مغامرة دخلنا بيكم فيها؟!».
وأوضح: «بتعتبروا التنمية مؤامرة؟!، بتعتبروا البناء مؤامرة؟! بتعتبروا الإصلاح مؤامرة؟!، متختذلوش القضية ومتفرجوش الناس علينا، أصمدوا وحولوا الظروف القاسية لمنحة، وصدقوني كل ما هتصبروا كل ما هتلاقوها بتعدي، زي ما عدت من كورونا، وبالمناسبة كنت بقولهم هقفل بيت 5 ملايين نسمة، مينفعش طبعًا».
وكشف الرئيس السيسي: «النمو السكاني خطير جدًا، وفي نموذج لبلد مات فيها 25 مليون مواطن، وعملوا ضبط الزيادة السكانية في عام 1968، وأطلقوا الإنجاب مرة أخرى في 2017، وبقت دولة عظمى، الدولة اللي مات فيها 25 مليون مواطن مقاموش هدوها، وقاموا يبنوها ودلوقتي بقت عظمى، ده الدرس اللي تتعلموه ودي الأفلام اللي تتعمل، والدول مش بتيجي كده، لكنها تضحيات في العمل».
وذكر: «والله كنت بقولهم يا جماعة البلد دي بتضيع كده سيبوا الناس تشوف شغلها، مش تعينوا مليون ونص في الجهاز الإداري، بالإضافة إلى زيادة المرتبات، ومحدش يحكم بالله غير لما يكون في السماء».
زيادة عدد السكان
وقال الرئيس السيسي: «خلال الـ20 عامًا المقبلة عدد السكان سيصل إلى 160 مليون دول، أنا هكون مستعدلهم أزاي، أنا مش هكون موجود، لكن أنتوا موجودين، في حد لازم يدفع ويضحي علشان الكلام ده ينتهي، مين يدفع؟، ممكن نتساهل أوي اكتر من كده أكتر من أخواتنا، ونقولهم ساعدونا كمان، لكن ميصحش كده، إذا كنت أنت مش عاوز تساعد نفسك عاوز الآخرين يساعدوك ليه؟!».
وأوضح: «علشان كده قولتلت خلال الفترة من 2011 – 2013، بقى حد عاوز يحكم بلد يهدها في 2011 علشان ياخدها في 2012، وكنت بقول كل يوم بيعدي علينا البلد بتروح ومحدش هيعرف يصلحها، وعاوزين نستقر والانتخابات تجيب اللي تجيبه.. 30 مليار دولار جبناهم بشق الأنفس، وخلصناهم في سنة ونص، وكنا بنشتري السلع بالدولار ونبيع بالجنيه، وحالة عدم الاستقرار جابت البلد على الأرض من 2011 – 2013، مفيش بلد بتمشي لقدام غير بالاستقرار والأمن».
