الرئيس السيسي: «خلوا عنيكم على استقرار بلدكم.. مفيش وطن بيتقدم بدون استقرار»
وجه الرئيس السيسي رسالة للشعب المصري، أكد فيها أهمية الحفاظ على استقرار الوطن ولامة أراضيه، واستمرار مسيرة بنائه وتطويره، للحفاظ على حقوق الأجيال القادمة.
جاء ذلك، في إحدى جلسات مؤتمر «حكاية وطن.. بين الرؤية والإنجاز» في العاصمة الإدارية الجديدة.
زيادة عدد السكان
وقال الرئيس السيسي: «خلال الـ20 عامًا المقبلة عدد السكان سيصل إلى 160 مليون دول، أنا هكون مستعدلهم أزاي، أنا مش هكون موجود، لكن أنتوا موجودين، في حد لازم يدفع ويضحي علشان الكلام ده ينتهي، مين يدفع؟، ممكن نتساهل أوي اكتر من كده أكتر من أخواتنا، ونقولهم ساعدونا كمان، لكن ميصحش كده، إذا كنت أنت مش عاوز تساعد نفسك عاوز الآخرين يساعدوك ليه؟!».
وأوضح: «علشان كده قولتلت خلال الفترة من 2011 – 2013، بقى حد عاوز يحكم بلد يهدها في 2011 علشان ياخدها في 2012، وكنت بقول كل يوم بيعدي علينا البلد بتروح ومحدش هيعرف يصلحها، وعاوزين نستقر والانتخابات تجيب اللي تجيبه.. 30 مليار دولار جبناهم بشق الأنفس، وخلصناهم في سنة ونص، وكنا بنشتري السلع بالدولار ونبيع بالجنيه، وحالة عدم الاستقرار جابت البلد على الأرض من 2011 – 2013، مفيش بلد بتمشي لقدام غير بالاستقرار والأمن».
استقرار الوطن
وأضاف الرئيس السيسي: «خلوا عنيكم على استقرار بلدكم، مفيش مشكلة طالما مستقرة، وأنا واحد منكم وأخوكم، وطول ما البلد مستقرة هتطلع لقدام، وربنا أراد اللي كان شاهد دلوقتي وقبل كده شاف نماذج موجودة، مستقروش، وربنا يساعدهم على فرصة الاستقرار».
وتابع: «أنا خايف على 105 ملايين مواطن، ولو حصلت حاجة هتبقوا في مشكلة تانية خالص، أنتوا بتتكلموا على غلاء الأسعار، مفيش حلول هتنجح غير بيكم والاستقرار، الناس التانية بتقول يارب نعرف نحرك الناس، ومش هتعرف تعمل حاجة برضو، وفي 2011 كنت لايص ومش عارف تجيب بنزين ولا قمح، وبتقول مؤامرة، لكن المؤمرة كانت جهلك وتخلفك، ودايما بستفيد من القعدات علشان الناس في الشارع يبقوا عارفين أن عيني عليهم».
المعاشات
وذكر الرئيس السيسي: «الفلوس اللي اتخدت من المعاشات، أحب أقول لو الرقم في مكانه في البنوك بالفوائد ومتوسطها 10%، وسيتم دفع 45 تريليون جنيه للمعاشات خلال 50 عامًا، بمعدل تريليون جنيه في السنة، وأحنا السبب لأن الأرقام اللي بتتاخد من المعاشات لا تتناسب مع الرقم اللي هتاخده قبل كده، لان في 11 مليون إنسان له معاش ومنقدرش مندفعوش، والدولة تدخلت لسداد المعاشات.
