ياسمين عز للحوامل: إياكي أسمعك تقولي لفرعونك مش طايقة ريحتك

وجهت ياسمين عز نصائح للسيدات الحوامل لرعاية أزواجهن.

وقالت ياسمين عز، مقدمة برنامج "كلام الناس" عبر قناة "إم بي سي مصر": "إياكِ ثم إياكِ ثم إياكِ في أول 3 شهور اسمعك تقولي لفرعونك مش طايقة اشم ريحتك، مش طايقة تشمي ريحة مين؟ مش طايقة تشمي نعمة ربنا؟ مش طايقة تشمي بركة عمرنا".

وتابعت ياسمين عز: "مش طايقة تشمي حلاوة شمسنا؟ فرعونا الكبير الصغير، مش تشمي مين؟ أومال تشمي إيه؟ تشمي ريحة شعرك والزيوت العطرية اللي فيه؟ لا لا كدة لا من أولها، عايزاكي تقولي له مارتحش ولا يهدى لي بال غير لما اشم ريحة نفسك يا حبيبي".

واختتمت ياسمين عز نصائحها للسيدات قائلة: "وتمشي تشمي وتشمشمي ورا ريحة جوزك، بلاش أرجوكِ جو هرمونات الحمل المتلخبطة واكتئاب الحمل والقصة اللي بتدخلينا فيها لأن ريحته بالدنيا ونفسه بالدنيا".