شيرين رضا: «جوازات الوسط الفني فاشلة»
قالت النجمة شيرين رضا، إن معظم زيجات الوسط الفني لا تنجح ليس في مصر فقط ولكن وسط نجوم هوليوود أيضا، قائلة: "جوازات الوسط الفني مش بتكمل مش عارفه ليه ومعرفش السبب ممكن تبقى غيرة أو قلة المقابلة ولكن في نماذج ناجحة زي منى زكي وأحمد حلمي".
وعلقت شيرين رضا - خلال حوارها ببرنامج "حبر سري"، مع الإعلامية أسما ابراهيم، على قناة "القاهرة والناس" - قائلة: "نمسك الخشب على علاقة منى زكي وأحمد حلمي، وفي أجيال تانية بتنفع فيها العلاقة ولكن المعظم مش بينفع"، لافتة إلى أنها تدعم ابنتها نور في مشوار زواجها لأنها سعيدة بالزواج.
واستكملت: "نور بنتي لما جت تقبل على فكرة الزواج كنت عايزاها تبقى سعيدة، وهي شايفه السعادة أنها تتجوز وأكيد هقف جنبها وقلت لها عشان تعيشي مع حد لازم تبقوا أصحاب"، مؤكدة أن العلاقة تفشل بين الرجل والمرأة حينما ينسوا أنهم أصحاب وأهم حاجة في العلاقة تكون الصداقة.
