شيكو بانزا: لن ألعب للأهلي طوال وجودي في مصر.. والزمالك الأقرب إلى قلبي
كشف شيكو بانزا، لاعب الفريق الأول لكرة القدم بنادي الزمالك، حقيقة ما تردد مؤخرًا بشأن وجود خلافات بينه وبين معتمد جمال، المدير الفني للفريق، بسبب اعتراضه المتكرر أثناء خروجه من المباريات، مؤكدًا أن الأمر يرتبط فقط برغبته الكبيرة في الاستمرار داخل الملعب وتقديم أفضل مستوى ممكن.
وقال شيكو بانزا فى تصريحات تلفزيونة: «بتزعل ليه لما يتم تبديلك من الملعب؟ بحب ألعب وأظهر كل ما لدى وأحدث الفارق فطبيعى وأنا خارج أكون زعلان».
وأضاف: «ممكن أشعر إنى معملتش اللى الجمهور عايزه وأسعد الجمهور، ده السبب اللى يخلينى أكون زعلان وأنا خارج».
وتابع: «ممكن يبان مشكلة مع المدرب؟. المدرب بيكون عارف شيكو بانزا وإنى عايز أعمل كل حاجة لكن مفيش أى مشكلة مع المدرب هما مقدرين وعارفين إنى عايز أقدم كل حاجة كويسة فى المباراة، ممكن شعور يكون مش كويس، بس بكون عايز أكمل».
وبشأن إمكانية اللعب مع الاهلى قال: «لا أنا أحب الزمالك وهو النادى المفضل لى، وطول ما أنا فى مصر سألعب لنادى واحد هو نادى الزمالك».
