محمد رمضان يعتذر لأهل الشاب الذي صفعه في الساحل الشمالي
اعتذر الفنان محمد رمضان للجمهور بسبب صفعه شاب في الساحل الشمالي، وذلك خلال الأيام القليلة الماضية.
محمد رمضان يعتذر لأهل الشاب
ونشر محمد رمضان فيديو عبر حسابه الرسمي على موقع التواصل الاجتماعي «فيس بوك»، يقول فيه: «الجمهور العدل الأصيل الغالي، ألف شكر، وربنا ميحرمنيش منكم على وقفتكم معايا ومساندتكم وقريت وسمعت دفاعكم عني، وغلطتوا الولد الصغير».
وأضاف: «بس الفيديو دا أنا عامله عشان أعترف بغلطي وأعتذر لأهل الولد الصغير أني إيدي اتمدت عليه وأنا عارف أنه عيل صغير لأنه لما غلط في الأول قلعته الكاب وبصيت في وشه لقيته عيل صغير، قولتله اسمك ايه يا حبيبي، قالي اسمي كذا قولتله تمام وسبته ومشيت».
https://www.facebook.com/watch/?v=485004610674463
وتابع محمد رمضان: «ولكن هو غلط تاني فلفيت تاني قولتله هات الموبايل مارضيش فضربته قلم بسيط وبسببه طير له الكاب والنضارة اللي كان لابسها، وإذ كان الناموسة اللي وقفت على وشي دي حاجة فأنا أستاهل منها خمس زيهم، عشان أنا مديت إيدي على عيل صغير ودي لا رجولة ولا بطولة، فدي الغلطة اللي طالع اعتذر عنها، ولما أخدت الموبايل منه ومسحت الفيديو حد قالي اكسر له الموبايل عشان ميعملش كدا تاني، قولتلهم طب هو غلط ذنب أهله إنهم يتكلفوا موبايل جديد، قولتلهم سيبوه يروح لأهله».
