«شنطة بربع مليون جنيه».. تفاصيل أزمة الفنانة هاجر أحمد مع مغسلة

أشعلت الفنانة هاجر أحمد، مواقع التواصل الاجتماعي، وتصدر اسمها تريند محرك البحث الشهير «جوجل»، بعدما أعلنت تعرضها لسرقة شنطة قيمتها 5000 دولار أي حوالي 250000 جنيه. 

ونشرت الفنانة هاجر أحمد، عبر حسابها الرسمي بموقع التواصل الاجتماعي «فيسبوك» :"من حوالي شهرين ونص اتصلت بيهم أسألهم إن عندي شنطة غالية نوعها كريستيان ديور باهظة الثمن وفيها بقعة كدة بالألوان بسيطة بنتي عملاها، وسألتهم هل تقدروا تشيلوا البقعة دي ولا لأ؟ قالولي طبعا يا فندم إحنا كل شغلنا شنط ماركات وشنط غالية، للعلم إن سعر الشنطة حاليًا تقريبًا 5000 دولار.، ولأني عارفة إني لازم أودي الشنطة للمكان بتاعها يظبطوها بس المشكلة أن أقرب مكان ليا دبي، وأنا مش مسافرة دبي الفترة دي".

وأضافت: «بعد ما تواصلت معاهم أكدوا لي أنهم يقدروا ينضفوها بسهولة، وأنهم كمان بيستخدموا نفس المواد الكريستيان ديور بيستخدموها، قُلت أنا هديكم الشنطة وشوفوا هتعرفوا ولا لأ، لو لأ ابعهتوهالي، وأكدت عليهم فوق الـ50 مرة، قالولي إحنا عندنا فني بيحدد كمان هل يقدر يعمل كده ولا لأ ومش هنجازف يا فندم طبعًا».

وتابعت: «خدوا الشنطة ومرجعوهاش اتصلت بيهم قُلت لهم بصيتوا على الشنطة ولا لأ، قالوا لي طبعًا سهلة جدًا وهتوصل خلال أسبوع متقلقيش، وأكدت إنها مش بتتغسل بمياه ولا بتدخل غسالة، قالوا لي لا طبعًا لا مياه ولا غسالة ليها مواد معينة».

شنطة بربع مليون جنيه 

وأكدت هاجر أحمد أنها لن تتنازل عن حقها، وذلك بسبب إنها خسرت حقيبها قيمتها وصلت لـ ربع مليون جنيه تقريبًا.

وهاجر أحمد ممثلة شابة تخرجت في المعهد العالي للفنون المسرحية حيث قدمت العديد من المسرحيات علي خشبة المسرح و أشهرها مسرحية (كاسك يا وطن) ثم شاركت في مسلسل (لف سلامة) عام 2013 و كان هذا أول أعمالها ثم شاركت في مسلسل (كيد الحموات)

آخر أعمال هاجر أحمد
 

 فيلم «أهل الكهف» هو آخر أعمال الفنانة هاجر أحمد، الذي عرض في موسم أفلام عيد الأضحى 2024، والعمل من بطولة خالد النبوي، غادة عادل، محمد ممدوح، محمد فراج، أحمد عيد، ريم مصطفى، بسنت شوقي، هاجر أحمد، صبري فواز، رشوان توفيق، أحمد وفيق، معالجة سينمائية للكاتب أيمن بهجت قمر، إخراج عمرو عرفة.