الرئيس السيسي: تكلفة استصلاح 4 ملايين فدان تبلغ حوالي تريليون جنيه
قال الرئيس عبدالفتاح السيسي، موجها كلامه لوزير الزراعة السيد القصير: «نتكلم في الكميات، أنا كاتبها قدامي، فيه حاجات أنت مش حاططها ليه؟ الـ60 ألف فدان مابيتحسبوش عندك؟ أنت قلت توشكى وشرق العوينات وسيوة، فين بقى كوم أمبو؟».
وأضاف خلال جلسات مؤتمر "حكاية وطن": "أنت في الأرقام اللي ذكرتها في تكلفة الاستصلاح قلت الفدان بيتكلف 250 ألفا وأنت بتتكلم في 4 ملايين فدان، يعنى تريليون جنيه، أنت كاتبهم ليه قليل كده؟".
وتابع: "بتتكلم فى 4 ملايين فدان، معالى الوزير عارف كويس أوى حاجته بصراحة يعنى، بس هو بيتكلم عن اللى هيدخل حيز الإنتاج خلال العام الزراعى دا هو اللى عاوز يتكلم عليه، إحنا بنتكلم على اللي إحنا مخططينه خلال بالكتير سنة ونص أو سنتين، لو بتتكلم عن إنك تضيف 4 ملايين فدان فى أرض ظروف مصر فيها، معندناش مياه ممطرة على مدار العام 8 أو 9 أشهر أى حتة هنصلحها تزرع زى ما انت ذكرت علشان نعمل فى توشكى المشروع بتقول حائط صخرى، الـ7 كم، وفضلوا موقفين المشروع العشرين سنة اللى فاتوا، ليه متقولش تريليون جنيه، إحنا مبنقولش حاجة أبدا مش صادقة، الرقم اللى قلته فى الأول أنا اتخضيت، قلت مش عاوز يقول الفلوس ليه؟".
ويشهد الرئيس عبد الفتاح السيسي جلسة بعنوان "التحول الرقمي وحوكمة قطاع التموين"، في إطار فعاليات اليوم الثاني من مؤتمر "حكاية وطن.. بين الرؤية والإنجاز"، المنعقد بالعاصمة الإدارية الجديدة. وذلك بحضور الدكتور عمرو طلعت وزير الاتصالات وتكنولوجيا المعلومات، والسيد القصير وزير الزراعة.
جلسات مؤتمر «حكاية وطن»
وشهد اليوم الأول من جلسات مؤتمر "حكاية وطن"، جلسات مهمة ركزت على محاور الاقتصاد، وشارك فيها كبار الوزراء، حيث يحضر الدكتورة هالة السعيد وزيرة التخطيط والتنمية الاقتصادية، ودكتور محمد معيط وزير المالية، وأحمد سمير وزير التجارة والصناعة، ودكتورة رانيا المشاط وزيرة التعاون الدولي، وتتناول هذه الجلسات سياسات وبرامج الحكومة في دعم الاقتصاد المصري.
أما عن اليوم الثاني، فيشهد جلسات تركز على قطاعات الطاقة والبنية التحتية، ويشارك فيها دكتور محمد شاكر وزير الكهرباء والطاقة المتجددة، والمهندس طارق الملا وزير البترول والثروة المعدنية ويتم خلال هذه الجلسات مناقشة مشروعات قومية كبيرة وجهود تطوير البنية التحتية.
بينما يشهد اليوم الثالث والأخير جلسات تركز على مجالات السياسة الخارجية والأمن القومي، ويحضرها سامح شكري وزير الخارجية والمستشار عمر مروان وزير العدل، واللواء محمود توفيق وزير الداخلية، يتم خلال هذه الجلسات مناقشة قضايا الأمن القومي والعلاقات الدولية.
وفيما يتعلق بالجلسات المخصصة للعدالة الاجتماعية والصحة تشهد حضور خالد عبد الغفار وزير الصحة والسكان، ونيفين القباج وزيرة التضامن الاجتماعي، وسيتم ختام الفعاليات بجلسة ختامية تجمع كبار المسئولين لاستعراض نتائج المؤتمر والتوجهات المستقبلية للتنمية في مصر.
