الرئيس السيسي: «لو التقدم والبناء ثمنه الجوع والحرمان أوعوا يا مصريين تقولوا ناكل أحسن»
أوضح الرئيس السيسي، أن البناء والازدهار والتقدم في الدولة يتطلب مجهودات وتضحيات كبيرة من جميع المواطنين.
جاء ذلك، خلال كلمة للرئيس السيسي، صباح اليوم السبت، في مؤتمر «حكاية وطن بين الرؤية والإنجاز»، بفندق الماسة، في العاصمة الإدارية الجديدة.
ثمن البناء والازدهار والتقدم
وأوضح الرئيس السيسي: «إذا كان التقدم والبناء والازدهار ثمنه الجوع والحرمان أوعوا يا مصريين تقولوا ناكل أحسن.. لو ثمن التقدم والازدهار أن منكلش ومنشربش يبقى منكلش ومنشربش، يا جماعة أنتوا عاوزين تبقوا على الخريطة في دولة 95% منها صحراء».
وأوضح الرئيس السيسي: «كلمة واحدة عاوز أقولها للناس عندكم فرصة للتغير في الانتخابات المقبلة، وأنا بقول كده والأمر كله لله، واللي ليه حاجة هياخدها، واللي قاله الدكتور مصطفى مدبولي، رئيس الوزراء، ممكن نتكلم ساعات في كل موضوع فيه».
إنشاء قناة السويس الجديدة
وأضاف: «هتكلم في حاجة واحده فقط وهي قناة السويس، والكلام ده كان بيتعمل وأحنا بنحارب إرهاب وأبواق كذب وافتراء وشائعات تقدح في كل مسار تعمله الدولة، ولا كان محل تقدير من ناسك اللي بتعمله لأجل خاطر ربنا وخاطرهم ويتم الإساءة لك ومسؤوليك وأسرهم، ولا بأس، ومفيش حاجة بتروح، كل حاجة ليها أجر، والمسؤول الذي تم توجيه الاسئة له، إذا كنا بنأمن بالله واللي بيحاسب ربنا، اللي لا بيغفل ولا ينام عن كل تفاصيل الإفك والمكر خلال الـ10 سنوات الماضية، واللي كانت امتداد لبناء حالة من عدم الثقة للإنسان المصري، لتكون جزء من الشخصية المصرية غير الواثقة في نفسها وكمان الدولة، وده مخطط فكر وجداني لمصر خلال 40 أو 50 سنة ماضت، والأمة لا تبنى إلا على الإصلاح، لا الخراب ولا الإساءة ولا الإهانة ولا التشكيك ولا الظلم».
الانتخابات الرئاسية
وذكر الرئيس السيسي: «وأحنا معانا سياسيين هنا يقولوا ينفع حد يقول في فرصة في الانتخابات للتغيير، محدش هيدي حد حاجة ولا حد هياخد من حد حاجة، وأنا بقول يا ترا في يقين حقيقي أن الأمر كله لله ومحدش بياخد غير نصيبه، أحنا نقاتل من أجل البلد، لكن النصيب ده بتاع ربنا».
وتابع الرئيس السيسي: «مشكلة مصر في السنين اللي فاتت أنهم هزوا ثقة الناس في نفسهم، واستكتروا علينا طريق وكوبري، كتير أيه؟!، ده لسه بدري أوي من العمل والجد والمثابرة».
إعادة الثقة في نفوس المصريين
وكشف: «بسبب الثقة المفقودة والأمل الضائع اللي كان بيشكل جزء من وجدان المصريين، قولنا نعمل محاولة أن نعمل مشروع نجمع الناس عليه، وأحنا بنعمل ده كان دكتور أشرف سلمان، وزير استثمار، وقال نخلي بالنا من المخصص المالي للمشروع، بس أنا عاوز أدي الأمل للناس، وكانت الفائدة 10.5%، وقولت نفتح باب المساهمة في إنشاء القناة بـ12%، علشان تتحرك الناس، ويحطوا فلوسهم، ويحسوا أنهم بيشاركوا في حاجة كبيرة، ويا كامل يا وزير ربنا يكرمك، وده مكنش يتعمل في سنة أبدًا، وكانت في كتلة كبيرة من مصرية عنيها على المشروع».
وأكمل الرئيس السيسي حديثه: «دخل القناة كان من 4 إلى 4.5 مليار دولار، انهارده بنصل إلى 10 مليارات دولار، وفي نهاية 2023 سيصل دخل قناة السويس إلى 10.5 مليار دولار، والفكرة أن المشروع مكنتش ازدواج فقط، وجزء منها هو استعادة الثقة في الناس».
وأضاف: «كل ده كان بيتعمل وسط سقوط الشهداء والهجوم على منشآتنا، وأسر الشهداء لا يمكن أبدًا أننا ننساهم، ولازم نخلي بالنا من اللي ضحوا علشانه».
المرور على الوزرات
ووجه الرئيس السيسي، رئيس مجلس الوزراء، بصطحاب الوزراء والمسؤولين والحضور في مؤتمر حكاية وطن للمرور على مقرات الوزرات في الحي الحكومي، بالعاصمة الإدارية، لتسليط الضوء على المجهود المبزول في تطوير العمل داخل القطاع الحكومي في الدولة.
