هاني شنودة يعلن عن عمل فني يجمعه بـ ويجز قريبا

فجر الموسيقار هاني شنودة، مفاجأة عن تعاون في عمل فني قريب مع مغني الراب "ويجز"، وقال إنه عرض عليه تلحين أغنية، وسيكون هناك عمل مشترك.

وعن رأيه في مغني الراب، قال هاني شنودة، خلال مداخلة هاتفية مع الدكتور محمد الباز في برنامج "آخر النهار" المذاع عبر فضائية "النهار": "كنت في لجنة لاختبار الرابرز، كل مطرب راب سألته يعني إيه راب معرفش، يرضيك يشتغل في حاجة معرفش معناها؟".

وأردف شنودة: "الراب إيقاعات إفريقية تصاحب شعر، لكننا أمام أناس شوهت سمعة الشعر".

وتابع: "بأسمع ويجز ومعجب به، بيعمل حاجات مخطرتش على بالي، عرضت عليه ألحن وهنعمل حاجة مشتركة، وأتمنى لما أعمل حاجة الناس تغير خواص الراب وأن ميكونش فيه موضوع الجنس".

واستطرد: "اتكلم على كل قيمة عندنا مش عند غيرنا، وأُعجبت جدًا بأحمد شيبة لما غنى أه لو لعبت يا زهر، وقال اللي موقفش معايا هأقف معاه، واحنا الحكومة بتتقدم والمجتمع مبيتقدمش".