«كنت شايف صح».. تامر حسني يتحدث عن حضور 2,6 مليون مشاهد فيلم «بحبك»
أعرب الفنان تامر حسني عن سعادته الشديدة بعد إعلان شركة أورينت الدولية، أن فيلم «بحبك» حقق أعلى حضور جماهيري لفيلم عربي على مستوى العالم، حيث حضر الفيلم 2 مليون و600 ألف شخص خلال شهر ونصف، موجهًا الشكر لشركة «سينرچي» على الدعم في صناعة فيلم رومانسي في زمن العنف، كما وجه الشكر لـ«سكاي ليميت وفيلم سكوير وth برودكشن وأورينت الدولية».
وكتب تامر حسني - عبر حسابه بموقع تبادل الفيديوهات والصور «إنستجرام» -: «الحمدلله من جد وجد وربنا بيكرم على قد التعب الحمدلله عشان نجحت وحققت الإنجازين دول وأثبت أني كنت شايف صح وصاحب رؤية وشخصية فنية مستقلة مبتمشيش غير ورا قناعتها، اللي بتتبني بعد دراسة كبيرة للأشياء حبيت أقول للشباب مفيش مستحيل».
وأضاف تامر حسني: «بقول الكلام دا عشان يكون قدامكوا عبرة واضحة تخليكوا متيأسوش ودايماً عندكوا أمل وولا يهزكوا أي حروب وأحقاد وناس مأجورة، كل دا بلح جنب الاجتهاد الحقيقي والإنسان لما يبقى عنده تحدي قوي مؤمن بيه، اللي بيطلع من القلب بيوصل للقلب، ولا يصح إلا الصحيح وأوعى تفتكر أن في مخلوق على الأرض يقدر يوقف رزقك، هيجيلك يعني هيجيلك ما دام اجتهدت وعملت اللي عليك».
