الرئيس السيسي :«هقف قدام ربنا وهقوله عملت كل ده عشان أعمل إنسان حقيقي»
قال الرئيس عبدالفتاح السيسي :"الناس بتقول هعلم ابني ايه .. لا ده هو المستقبل.. في دول فيها 3 مليون بيجيبوا 130 مليار في السنة احنا فين؟.. الأسر اللي بتاخد ولادها وبتصرف فلوس على الدروس ده بيعكس وعي مصري مجتمعي بالتعليم .. في برنامج العباقرة استطاع انه يلقي الضوء على حاجة معينة.. كل ما ادور في التليفزيون ألاقي كل القنوات جايبة مطابخ وشيف .. هوا احنا عاوزين حد يعلمنا ناكل".
وتابع الرئيس، خلال فعاليات افتتاح عدد من مشروعات مصر الرقمية لوزارة الاتصالات وتكنولوجيا المعلومات بمركز المنارة للمؤتمرات الدولية: "عندنا رمل ورخام وحجر جيري.. ثروات يطلع منها حاجات بمليارات الدولارات سنويا.. لو كنا ماشيين بالمسارات اللي انتوا بتعتبروها جيدة، هتبقى مش كفاية لأن عدد سكاننا كتير. مصمموا الدوائر الإلكترونية يصل دخولهم إلى 10 الاف دولار في الشهر.. دخول المصريين مش كبيرة وبالتالي الناس بتتأثر بأي ضغط في الأسعار.. يا ألغي الكلام ده كله وأضيع مستقبل البلد دي، أو إني أعمل الاثنين وأيسر حياة الناس".
وتابع الرئيس: " بكلم المواطن المصري، بكلم اهلي وناسي اتمنى اني اعملهم كل حاجة حوة في الدنيا، مش أنا بس، أنا وأي انسان مخلص.. الدخول البسيطة مش هنقدر نعدلها غير بعمل محترف.. لما قلت عاوز أميكن امتحانات كلية الطب.. قلت انتوا بتتكلموا على المجاملة والرشوة اللي ممكن تكون موجودة، تعمل قوانين، ولا تعمل نظم مختلفة في تقييم الطلبة.. بدأنا بكلية الطب عشان نطمن إن الناس اللي هتكون مسؤولة عن حياة المصرية قريبة من تقيمها الحقيقي.
واستكمل الرئيس: "أنا هقف قدام ربنا هيكلمني، وهقوله عملت كل ده عشان أعمل إنسان حقيقي، يعرف قدراته الحقيقة".
وقال الرئيس، إن الدولة تستهدف شباب في أعلى مستوى بالتعليم التكنولوجي.
وتابع الرئيس السيسي: "بكلم كل المصريين، ثقافة التعليم اللي احنا ماشيين بيها محتاجة تتطور وتتعدل.. كل هدفهم إنهم يبقوا معاهم شهادات، وميبقاش في فرص عمل ".
وشهد الرئيس السيسي، افتتاح عدد من مراكز الإبداع في المحافظات، كما شهد افتتاح مركز إبداع مصر الرقمية في قصر السلطان حسين كمال بالقاهرة.
وشهد الرئيس أيضا، افتتاح مدرسة «وي المشتركة للتكنولوجيا التطبيقية بالقاهرة»، وكذلك «مدرسة التكنولوجيا التطبيقية» في الشيخ زايد عبر تقنية الفيديو كونفرانس.
وقال الدكتور عمرو طلعت وزير الاتصالات، إنه تم إنشاء 6 مدارس للتكنولوجيا التطبيقية بتكلفة 300 مليون جنيه. وتابع :"نستهدف إنشاء مركز للإبداع الرقمي في كل محافظة".
وأعلن الدكتور خالد عبد الغفار وزير التعليم العالي، إن هناك مبادرة لتعليم الطلاب بالجامعات الحكومية مهارات الذكاء الصناعي والتسويق الرقمي والبرمجة".
وشهد الرئيس السيسي، عرض فيلم قصير عن جهود وزارة الاتصالات في إنشاء مراكز الإبداع الرقمية". كما شهد، افتتاح عدد من مشروعات مصر الرقمية عبر تقنية الفيديو كونفرانس.
وشملت تلك المشروعات: 3 محطات للإنزال البحري في مناطق رأس غارب والزعفرانة، وسيدي كرير، ومركز البيانات الإقليمي للشركة المصرية للاتصالات في القاهرة".
وأطلق الرئيس، رسميا منصة مصر الرقمية.
وقال الرئيس السيسي، خلال فعاليات افتتاح عدد من مشروعات مصر الرقمية لوزارة الاتصالات وتكنولوجيا المعلومات بمركز المنارة للمؤتمرات الدولية: "بسم الله الرحمن الرحيم.. إيمانا منا بأهمية بناء مصر الرقمية الحديثة وحرصا على تيسير إتاحة الخدمات الالكترونية لكافة فئات الشعب المصري.. على بركة الله أعلن الاطلاق الرسمي لمنصة مصر الرقمية ".
وأضاف الرئيس، أن الدولة أنفقت 100 مليار جنيه، لإنشاء المراكز الرقمية بالعاصمة الإدارية الجديدة"، مشيرا إلى أن المراكز الرقمية التي أنشئت محصنة ولا يمكن اختراقها".
وتابع: "المراكز دي معمولة محصنة لا يمكن الاقتراب منها خالص وبأي شكل من الأشكال.. 15 متر تحت الأرض.. المركز الواحد متكلف 10 مليارات جنيه على الأقل إنشاءات مدنية لتوفير مكان لوضع فيه الخوادم الرئيسية".
واستمع الرئيس السيسي، إلى فيلم قصير تحت عنوان “مصر الرقمية". وكان الرئيس السيسي، وصل، صباح اليوم، إلى مركز افتتاح عدد من مشروعات مصر الرقمية لوزارة الاتصالات وتكنولوجيا المعلومات، منها إطلاق منصة مصر الرقمية.
وقال المتحدث الرسمي باسم رئاسة الجمهورية السفير بسام راضي، إن الرئيس السيسي سيشهد افتتاح مركز البيانات الدولي بالقاهرة، ومدارس المصرية للاتصالات التكنولوجية التطبيقية، ومركز إبداع مصر الرقمية، وكذلك تطوير متحف البريد المصري، عبر الفيديو كونفرانس.
كما يشهد الرئيس السيسي، فعاليات الجلسة الحوارية للشباب المشاركين في المبادرات والمستفيدين من المنح الخاصة بوزارة الاتصالات وتكنولوجيا المعلومات.
