القصة الكاملة للأزمة الصحية لنجل الفنانة ميار الببلاوى

تصدر اسم الفنانة ميار الببلاوى ، مؤشرات البحث فى "جوجل "، الأشهر عالمياً، وتزايدات عمليات البحث حول اسم الفنانة بعد إعلانها عبر حسابها بموقع التواصل الاجتماعى الفيسبوك، تعرض نجلها لأزمة صحية، عبارة عن "جرثومة فى المعدة "، وأنها تخشى من عدم قدرته على الذهاب إلى آخر مادة في كلية سياسية واقتصاد.

وشاركت الفنانة ميار الببلاوى ، جمهورها ومتابعيها، تعرض نجلها لأزمة صحية، وكشفت عبر صفحتها الشخصية، بموقع التواصل الاجتماعى، الفيسبوك قائلة، "إيه ده، إيه الدنيا دى، إيه الناس دى، الواحد عايش فى كوكب لوحده ملهوش حد، ولا يفرق مع حد كله بيقول يالا نفسىي، ولو ليه مصلحة عندك يعملك نفسه مروحة، ولو ملوش متلزموش، دي كلمة ست طيبة لقتني ببكي في المسجد بتاع المقابر، وقالت لى دموعك غالية وفريها الجايات كتير، والله استغربت كلامها وكأنها بتأهلنى للى جاى ".

ميار الببلاوي: الرئيس السيسي يهتم بكل الملفات المؤثرة في حياة المصريين

منذ قليل.. وفاة والدة الفنانة ميار الببلاوي

وأضافت ميار الببلاوى  قائلة، "النهاردة ابنى من الصبح بيموت بين إيدي، بيرجع وبيتلوى من المغص ودكاترة داخلة ومحاليل وحقن وأدوية وبكرة الصبح امتحانه لأنه فى بكالوريوس ودي آخر مادة، طبعًا كده خلاص مفيش أمل إلا بمعجزة من عند ربنا لأنه رايح راس فى راس، والسخونية 40، ألاقي حد حقير كلمني وبحكيله إن ابني تعبان وبيموت من المغص وبيصرخ، يطلب الطلب اللي هو عاوزه ويقفل ".

واختتمت الفنانة، كلامها برسالة مؤثرة قائلة: "عاوزه اقول الله مايحوج حد لحد بس بعد الضنى مفيش وكده حلو أوي".

وشاركت الفنانة، جمهورها ومتابعيها، مؤخراً، معاناتها من مرورها بأزمة نفسية، ونشرت الفنانة عبر حسابها الشخصى بموقع التواصل الاجتماعي، الفيسبوك، قائلة " من إمبارح مخنوقة وقلبي مقبوض وعصبية جداً، ومليش نفس لأي شغل نهائي ولا عاوزة أرد على التليفون، ولا أكلم حد ومتخانقة مع جوزي وابني عنده امتحانات، ومش فاهمة فيا إيه عمالة أعيط مش بقدر أتحرك علشان رجلى وعمالة أستغفر وأقرأ قرآن وأصلي بس مش طايقة أكلم حد ولا حد يكلمني، ومع كده حاسة بوحدة فظيعة وبرد من جوا قلبى مفيش أى حاجة ليها طعم، باكل علشان ابني ياكل بس ومفيش أى متعة ولا فرحة ".

وأضافت ميار الببلاوى ، " بقالى كام يوم فى حالة ربنا ما يحكمها على حد حتى برنامجي وحلقة بكرة مليش نفس خالص ومش طايقة شغلي وكل محد يكلمني على ريفيو أعتذر ولما جيت أصور رجلي اتلوت، البيت يضرب يقلب لا عاوزه أنضف ولا أغسل ولا أطبخ ولا طايقة البيت ولا عاوزة أخرج خالص من أوضتي تحديداً، وكأن بيتي أوضه واحدة وبحضر للمعرض بتاعي والناس بتكلمني أعيط ومردش أنا حتى رحت لماما وشكيتلها بس برضه مرتحتش فيا يارب ادعولي بالله عليكم ".

وأعلنت الفنانة ميار الببلاوى ، تعرضها للإصابة في قدمها تشتبه في أنها كسر، مطالبةً جمهورها ومتابعيها بمساعدتها على التصرف في الواقعة، خاصةً أن طبيبها الخاص غير موجود حاليا ".

وأردفت قائلة، " لله الأمر من قبل ومن بعد، رجلي وأنا خارجة من القناة التوت وشكلها اتكسرت، ورمت وازرقت والألم لا يحتمل، المشكلة مش قادرة أحركها ووش رجلي كأنه نار، حد يعرف أعمل إيه النهارده الجمعة ودكتورى فى الساحل راجع بكرة بالليل ".

حياتها 

والفنانة ميار الببلاوى ، فنانة ومقدمة برامج مصرية شهيرة، اسمها الحقيقى "منال محمد توفيق واعر الببلاوى " يعود أصولها إلى صعيد مصر وبالتحديد محافظة أسيوط، ولدت في 24 ديسمبر عام 1972ن وتبلغ من العمر "50 عاماً " ، تخرجت من كلية الآداب قسم الدراسات اليونانية.

بدأت حياتها الفنية بالعمل فى مجال الإعلانات ثم اتجهت إلى التمثيل في السينما والمسرح والتلفزيون المصرى.

وبدأت حياتها الفنية من خلال مسلسل الإمام أبى حنيفة النعمان بطولة الفنان محمود ياسين وأحمد ماهر عام 1992.

وبرعت في تقديم العديد من الأفلام السينمائية، من بينها " زوجتى والذئب، صراع الحسناوات، إنذار بالطاعة، ديسكو ديسكو، يا تحب يا تقب ودماء على الثوب الأبيض ".

وأبدعت بالعديد من الاعمال الدرامية التليفزيونية ومن بينها، " أبو حنيفة النعمان، بريق في السحاب، أجنحة الشمس، الناصر صلاح الدين نسر الشرق، رد قلبى، سور مجرى العيون، 

سعد وخواته، الدنيا حظوظ ".

قدمت ميار الببلاوى 3 مسرحيات فقط، هم "عالم قطط، ليلة فل وبلاش كده ".

الاعتزال 

و قررت الفنانة ميار الببلاوى ، الاعتزال وترك مجال التمثيل وارتداء الحجاب، أثناء تصويرها مسلسل "عائلة شمس"، أثناء تقديمها دور "مضيفة طيران " وقد ارتدت الحجاب وقدمت مشهدين فى المسلسل بحجابها، وأعلنت عدم خلعه مرة أخرى واتجهت لتقديم البرامج التليفزيونية.