«بنتي أهم من الجيم».. غادة رجب ترد على من يطالبها بإنقاص وزنها
كشفت المطربة غادة رجب عن سر غيابها في الفترة الأخيرة من خلال حوارها مع الإعلامية ياسمين عز في برنامج "كلام الناس" على قناة "إم بي سي مصر"، كما تحدثت غادة رجب خلال البرنامج عن أسباب زيادة وزنها، وعدم وجود الوقت الكافي للذهاب إلى الجيم.
وقالت غادة رجب: "الأمومة مسؤولية كبيرة جدًا بس ما قبل الزواج والأمومة كان بيتقال عليا تخنت وقتها لكن أنا فعلا حاليا تخنت طبعا بسبب الحمل والولادة".
وأضافت: "تخنت طبعا.. أنا واحدة حملت وولدت، أكيد عايزة أخس، وأي واحد تخن بيبقى عارف أنه تخن وعايز يرجع يخس ويرجع لوزنه الطبيعي".
وتابعت: "الناس اتنمرت عليا بعد ظهوري بوزن زائد في مهرجان المركز الكاثوليكي، والوزن الزائد مش بيشغلني".
ونفت عادة رجب نيتها لعمل رجيم قائلة: "أنا مسخرة حياتي لابنتي ليلى معنديش وقت أروح جيم أو نادي، هي أولى بالوقت والصحة والمجهود ده هي أولى بكل ده، وأكيد نفسي أخس بس لما يجي وقت الخسسان، واللى بيحبني هيسمعني ويشوفني على أي وضع واللي مش مبسوط يقلب القناة".
وكشفت غادة رجب عن سر غيابها في الفترة الأخيرة حين قالت "غيابي كان بسبب الولادة والأمومة ولكن الشغل الحلو هو اللى بيفرض عليكي التواجد، لكن أنا عندي أغاني كتير والفترة الجاية هتنزل، وفي حفلات غنائية كمان، بس حاليا مجهودي وصحتي بنتي أولى بيه لأنها لسه صغيرة وعندها سنة ونص".
غادة رجب وشيرين عبد الوهاب
وقالت غادة رجب إنها اعتادت مقابلة شيرين عبد الوهاب في مكتب الملحن الراحل رياض الهمشري، لافتة إلى انقطاع الصلة بينهما في الوقت الحالي بقولها: "بقالي كتير معرفش عنها حاجة غير زي باقي الناس، ومعيش حتى رقمها، بس بحبها وبتابعها وبحب صوتها".
ووصفت غادة رجب شيرين عبد الوهاب بأنها صاحبة "صوت مصري مهم جدًا، وإحساس صادق" وأضافت: "مش بسهولة بتلاقي الإحساس اللي طالع من القلب بجد، وشيرين أستاذة في ده وبتعمله بالفطرة".
وقالت: "هي بتعمل كل حاجة بالفطرة وده حلو، حتى لو بعض الحاجات مش مناسبة، لكن هي جواها طيب وعفوي ومبتحسبهاش، وعندها قبول غير عادي وأتمنى تعدي من أي أزمة لأنها تستحق الأجمل".
