وفاء عامر: «بعامل جوزي زي سي السيد.. وبغسل رجله بميه وملح»
كشفت الفنانة وفاء عامر أسلوب تعاملها مع زوجها وابنها في المنزل، لافتة إلى اهتمامها بجميع تفاصيل حياته، ورغبتها الدائمة في تنفيذ ما يريده.
وقالت وفاء، في تصريحات تليفزيونية: “جوزي ميقدرش يتجوز عليا، أنا مش مكتباه ورقة ومش بذله ومش ماسكة عليه صور أو محسساه إن مش هتلاقي زيي، وأنا متأكدة أنه لا يمكن يمكن كدة، أنا دايما بفترض في كل حاجة الحلو”.
وتابعت: “مثلًا واحدة بتنزل تلعب طاولة مش أنت عايز واحد صاحبك وبنت صاحبتك بيلعبوا طاولة، أنا كنت بتضايق لما بلاقيه بيلعب مع بنات طاولة، وكان صوت الطاولة بينرفزني واتعلمتها مخصوص وبقيت بحبها، وهو بيحب الشطرنج فأتعلمت الشطرنج عشانه”.
وأضافت: “هو مبيقومش يقوم يجيب كوباية من المطبخ ومامته معلماه كده، وأنا مبحبش حد يقف جنبي في المطبخ وبعامله مثل سي السيد والمية لحد عنده وبأكله في بقه، هو وعمر ابني، ولو رجليه وارمة أو تعبانة ممكن احط له مية بملح ليه لا، والله العظيم بعمل كده، هو أنا لو رجلي ورامة ومفيش حد في البيت هيعمل لي كده، والراجل لما بيعمل حاجة لمراته لا تنقص من قدره شيء".
يذكر أن وفاء عامر شاركت، في السباق الرمضاني الماضي، في مسلسل “راجعين يا هوي”، وهو من بطولتها وخالد النبوي، ونور اللبنانية، وأنوشكا، وأحمد بدير، وهنا شيحة، ونور خالد النبوي، وإسلام إبراهيم، وإسلام جمال، وسلمى أبوضيف، من سيناريو وحوار محمد سليمان عبدالمالك، وإخراج محمد سلامة.
كما ظهرت في بطولة مسلسل “جزيرة غمام”، بمشاركة طارق لطفي، ومي عزالدين، وفتحي عبدالوهاب، وأحمد أمين، ورياض الخولي، ومحمد جمعة، ومحمود البزاوي، وهاجر الشرنوبي، وميار الغيطي، وعايدة فهمي، وأحمد ماجد، وهو من تأليف عبدالرحيم كمال، وإخراج حسين المنباوي.
