نورا رشاد تكشف أمانة سمير صبري في «حكايات العمر كله»

قالت نورا رشاد مدير النشر وعضو مجلس إدارة الدار المصرية اللبنانية ان والدي  الناشر محمد رشاد والفنان سمير صبري أصدقاء من زمان، وكنت محظوظة إني بقعد أسمع من سمير حكايات من وأنا صغيرة، وفضل والدي سنين طويلة يلح إنه يضم كل الحكايات في كتاب لأنه هو اللي بيبقى، ورحمة الله عليه الفنان سمير صبري كان متحمس لحد ما صدر كتاب "حكايات العمر كله"، جاء ذلك خلال مداخلة هاتفية لبرنامج "من إمبارح  للنهاردة" الذي يذع على إذاعة ميجا إف إم والبرنامج من تقديم همسة إمام. 
وأضافت، “من أربع أو خمس سنين بدأنا ناخد خطوات جدية، لأن سمير صبري في البداية حب إنه يسجل ويتم التفريغ، والموضوع أخد وقت، وحتى المحررين اتغيروا كتير، فتردد شوية يعمل الكتاب، لأنه شاف إن في حكايات شخصية لبعض الفنانين، فكان سبب إننا عيدنا الكتابة أكتر من مرة، وبعد كده لما شاف إنه الأعلى مبيعاً، حبه جدا وإدالة ثقة كبيرة، وعملنا ندوات مختلفة”.
وتابعت، "سمير صبري عنده أمانة كبيرة جدا في الحكي، وفي كذا قصة قرر إنه يشيلها بالرغم من إن أصحابها توفوا، ولكن هو أصر إنه يشيلها، باعتباره الشاهد الوحيد علي هذه الحكايات، وإحنا احترمننا رغبته جداً".
واختتمت، “أول طبعة كانت ١٠٠٠ نسخة، وخلصت في ٢٤ ساعة، وبعد كده عملنا كذا طبعة بعدها”.