سيمون: «مهما كان في تكنولوجيا هيفضل الراديو الأفضل»
قالت الفنانة سيمون في حديث إذاعي عن كواليس أغنية الروح الفرفوشة أن الأغنية هي من كلمات هشام قباري، ألحان أحمد مصطفى وتوزيع شريف الوسيمي، مشيرة إلى أن هناك أغاني متنوعة بس فريق العمل حب يدخل بأغنية الروح الفرفوشة النعنوشة البسبوسة عشان تتحضر في الحال وتبعد عننا الناس “الحسوديه الحقوديه المؤذيه” حسبما قالت.
وأضافت سيمون، خلال مداخلة هاتفية لبرنامج فن مشكل الذي يذاع علي شعبي اف ام والبرنامج من تقديم ليلى بدران، “أن الكواليس قد ايه كانت حلوه مع هشام واحمد وشريف واحمد خيرت، وطبعا الروح الجميلة بتطلع روح حلوه في الشغل، وانا دايما بعمل الحاجه اللي تصمد شكلاً وموضوعا، و أغانيا زمان اول ما بتنزل الناس كانت تقول : ايه ده!”.
وأكدت، “انا بحب الاحترام في كل حاجه في التعاملات مع الأصول بتاعتنا، ومهما كان فيه تكنولوجيا الراديو يفضل جميل بالنسبالنا والصوت والأداء يفضل حلو، ودايما نتعامل مع بعض برقي واحترام وثقافه ولذاذه”.
واختتمت.."احنا بناخد تصاريح مدفوعة الاجر عشان نعيد الأغاني الأجنبية بلغتنا المصرية".
