فرح الزاهد: 2021 بداية مولدي فنيًا.. وقالوا عن دوري في "حلوة الدنيا" واسطة

أكدت الفنانة فرح الزاهد أن عام  2021 له أهمية خاصة بالنسبة لها كونه شهد مولدها الفني.

وقالت الزاهد، في لقاء خلال برنامج "كلمة أخيرة"، الذي تقدمه الإعلامية لميس الحديدي على شاشة "ON"، "عملت أدوار كويسة خلال عام 2021 بس بتكسف أشوفها وبقول إيه اللي أنا عملته ده".

وأضافت "قبل 2021  كنت عاوزة أوري الناس موهبتي وفي نفس الوقت مكنش فيه فرصة وكنت بحب المذاكرة أوي وكنت عاوزة أبقى دكتورة في الجامعة لكن فكرت إني لو ذاكرت بس هخفي موهبة جوايا وعملت مسلسل الطاووس والمخرج فاروق عبد العزيز كان سبب في ده وقلتله خلتني أحب حلمي".

وعن مشاعرها لدى مشاركتها شقيقتها هنا الزاهد في مسلسل "حلوة الدنيا سكر"،  قالت: "مكنتش  هادفة لده بس المخرج قلها  خلي أختك تبقى معاكي في دور أختك وصوتكوا زي بعض وكنت خايفة ومش حابة حد يقول واسطة وده حصل  من أول مانزل البوستر قالوا واسطة وشتموني لكن بعد ماشافوا دوري قالوا مش واسطة وانتي موهوبة عشان كده كنت عاوزة أقلهم شوفوني واحكموا عليا".