الرئيس السيسي يكشف خلال احتفالية «قادرون باختلاف» عن أصعب اللحظات في حياته

أدار الفنان أشرف عبد الباقي، جلسة حوارية بعنوان «حوار مع الرئيس»، خلال احتفالية النسخة الثالثة من "قادرون باختلاف" لأصحاب القدرات الخاصة وذوي الهمم، بحضور الرئيس عبد الفتاح السيسي.

وقال علي أحمد، بطل الجمهورية في ألعاب القوى من ذوي الهمم، إنه حاصل على 49 ميدالية، وعمره 15 سنة ويلعب في مركز شباب الجزيرة.

ووجه حديثه للرئيس السيسي قائلاً: "إزيك يا ريس عامل إيه.. عايز أسال إيه أجمل لحظة مرت على حضرتك في حياتك، وأيه أصعب لحظة؟".

ورد الرئيس مبتسما: "أهلاً وسهلا بيك يا علي.. سؤال صعب أوي يا علي، أصعب لحظة لما حسيت فيها إن بلدنا ممكن تروح.. وأحيانا يكون فهمك للمشكلة يعذبك.. لأنك لما تعرف أوي وتفهم أوي هتتعذب أوي لأنك بتشوف حجات محدش هيشوفها غيرك، وهتفهم  حجات محدش هيفهما غيرك.. لذا أصعب لحظة أتصور مرت بيه هذه اللحظة".

وأكمل الرئيس: "أنا خفت على ناسي وأهلي وكل المصريين لأن عددنا كبير ومشاكلنا كتيرة وظروفنا صعبة.. لو البلد راحت الناس ديه هتروح فين".

وتابع: “أجمل لحظة لم تأت بعد، وأسعد لحظة هو الحلم الذي أحلمه لبلدي وللمصريين شبابنا والكبار والقادرون باختلاف الذي أعول عليهم أمام الله أنه يساعدنا".