الرئيس السيسي لـ حضور احتفالية الأسرة المصرية: «بتكلم معاكم حسب الأمانة اللي بتقتضي عليا»
وجه الرئيس عبدالفتاح السيسي، كلمة إلى الحضور في فعالية الأسرة المصرية، المذاعة على قناة “إكسترا نيوز”، قائلا: "سعيد أن التقي بكم وأتشرف أن أتحدث إليكم وأوجه لكم التحية والاحترام"، مضيفا: "من خلالكم أوجه التحية لشعب مصر".
وأضاف الرئيس السيسي، في كلمته: "الحقيقة أنا عاوز أسمع منكم، ومستعد أسمع منكم أي حاجة تقولوها وأي نقد توجهوه، وأي سؤال تسألوه، وهكون معاكم صريح"، متابعا: "بتكلم معاكم حسب الأمانة اللي بتقتضي عليا، ودي طبيعة أتمنى من ربنا استمر فيها".
وواصل: "ما تحقق خلال السنين اللي فاتت كمقدمة.. المفروض إن حالنا ميبقاش كده، كان المفروض نكون في منطقة تانية خالص حتى الآن".
وتابع: "ولما دايما بقول للناس من فضلكم شوفوا الآخرين ما أقصدش غير إني أدلل على فضل ربنا وبقول للناس كل اللي إنتوا فيه ده فضل ربنا علينا".
وواصل "بفضل الله سبحانه وتعالى يا مصريين في ألف خطوة محتاجين نتحرك فيها والخطوات لا تنتهي.. الدول في حراك مستمر.. وإذا كان حد متصور إننا في فترة معينة وهنقف لأ الأمور دايما في حراك مستمر".
