طبيب بيطري يتحرش بالفنانة زينب غريب.. وهذا ما قالته والدة المتحرش

«افتكرني جاموسة ماشية قدامه» هكذا سردت الفنانة الشابة زينب غريب، ملابسات تحرش طبيب بيطري بها، وتفاصيل ما دار بينها وبين والدة المتحرش.

وكتبت زينب غريب في تدوينة عبر حسابها على موقع التواصل الاجتماعي «فيس بوك»، أمس الأول: «لما نتربى كبنات على الخوف والسكوت فيحصل إن واحد يتحرش بيا النهاردة، يتقال لي إما إسكتي وعدي أو ده مريض وخلي المسامح كريم، وخصوصًا لما يطلب ده واحدة ست زيها زي بالظبط».

وتابعت: «أنا مش فاهمة الأمهات اللي لو ابنها قتل، أغتصب، أو تحرش تتدافع عن ابنها وتنسى إني في مقام بنتها برده، فعلا محتارة ما بين أساعد الأم وأتنازل عن حقي ولا أقول لها يا حجة ابنك متحرش ولازم يتعاقب.. والأغرب إنه دكتور بيطري وعلى ما يبدو افتكرني جاموسة ماشية قدامه».