كابوريا: المحشي مع الفراخ المشوية أكلتي المفضلة.. وسعيد بعودة طقوس رمضان «حوار»

مع حلول شهر رمضان الكريم، يمتلك عدد كبير من نجوم كرة القدم في مصر، العديد من الأسرار والحكايات الخاصة، والتي يتم الكشف عنها لأول مرة، لذلك حرص موقع «مستقبل وطن نيوز» على التواصل مع النجوم، لفتح خزائن أسرارهم التي جرت خلال الشهر المعظم، وبعض الطقوس التي يحرصون على القيام بها.

وأجرى أحمد كابوريا، لاعب الفريق الأول لكرة القدم بالزمالك السابق، والمقاولون العرب الحالي، حوارا مع "مستقبل وطن نيوز"، كشف خلاله عن بعض الطقوس الخاصة به خلال شهر رمضان الكريم.

*الأكلة المفضلة في رمضان؟
الأكلة المفضلة في رمضان المحشي مع الفراخ المشوية.
*ذكرى ليك مش هتنساها في رمضان متعلقة بمباراة أو حدث معين؟
مفيش ذكرى معينة ولكن مباريات شهر رمضان بشكل عام بتكون صعبة حتى لو اتلعبت بعد الفطار.

*رمضان السنة دي مختلف عن أي رمضان.. شايفه إزاي بالنسبة لك في الأجواء دي؟
طبعا، رمضان السنة دي مختلف، وفرحتنا بيه وبعودة صلاة التراويح و التجمعات والعزايم كبيرة، الحمد لله بدأنا نشوف صلاة التراويح، وبحافظ عليها دايما في رمضان.
*بتعمل شيف في البيت وبتشارك في عمل الفطار وألا لا؟
بسيط جدا لما بساعد زوجتي في تجهيز الأكل ولكن ممكن أساعد في تجهيز السفرة أو تجهيز السحور، الأمور البسيطة دي بساعد فيها، غير اني بشتري الحلويات وأظن ده يكفي.