رئيس الوزراء: رصدنا مئات المليارات لتطوير السكة الحديد
أكد الدكتور مصطفى مدبولي، رئيس مجلس الوزراء، أن مرفق السكة الحديد شهد عقودا من الإهمال وعدم التطوير، ووصلت حالته لحالة شديدة من التقادم والخطورة.
وأوضح مدبولي- في مؤتمر صحفي، اليوم الجمعة-: "عندنا أنظمة تحكم وإدارة تقوم على العامل اليدوي والبشري، وسيارات وقطارات السكة الحديد انتهى عمرها الافتراضي، وده كان الماضي اللي واجهنا لما بدأنا نشتغل على المرفق اللي بيخدم ملايين المصريين"
وتابع: "إحنا راصدين مئات المليات لتطوير السكة الحديد، لكن مازال أمامنا المسار وقدامنا فترة علشان ننهي كل الأعمال المطلوبة لإنهاء تطوير المرفق، إحنا بنشتغل في مرفق بنحاول نطوره ونحدثه بنطور المزلقانات للتحول إلى الكترونية بدل من يدوية، بنطور نظم التحكم إلى نظم كهربائية وإلكترونية، وعندنا أسطول جديد من السكة الحديد اللي الدولة بتشتريه، وبيتم توريده حاليا بعشرات المليارات".
وأضاف: "التحدي إننا بنعمل التطوير والمرفق شغال ما نقدرش ناخد قرار بوقف هذا المرفق علشان نطوره.. النهارده عشرات الآلاف من الرحلات اللي بتم يوميًا، ومازال هناك عنصر بشري موجود وارد مشكلة الخطأ والتحدي الكبير إننا بنطور لأنها بتخدم ملايين المصريين".
وكشف: "بنحاول نسرع عملية تطوير السكة الحديد، ومتعاقدين مع شركات عالمية ومحلية علشان التطوير ومشكلة كورونا أخرت عملية التطوير، أنا بقول للشعب المصري كلنا في ألم شديد لكن معندناش سبيل غير إننا نطور المرفق أهم شيء ان الدولة واضعة كل مواردها للتطوير لكن التطوير بياخد وقت".
