تامر أمين يعتذر لأهالي الصعيد: «جزمتكم فوق دماغي» (فيديو)

اعتذر الإعلامي تامر أمين، لأهالي الصعيد عن التصريحات الأخيرة التي بدرت منه، في برنامجه "آخر النهار"، المعروض على شبكة تليفزيون النهار.

وقال أمين، في فيديو له: "أقدم اعتذارا واضحا وصريحا لكل أهالينا في الصعيد، وكل مكان في مصر أنا مش هكابر، أنا من الناس اللي بتعتذر لما بحس إن الناس زعلانة مني، رغم أن نيتي خير وهدفها المصلحة العامة، أكتر حاجة تضايقني إن واحد صعيدي يزعل مني، أنا أكتر واحد مؤمن بالصعيد وكرامة الصعيد، وصعيد مصر هو أصل مصر، وطلعلنا أدباء ومفكرين وعظماء".

وتابع: "أنا مقصدش الإهانة أبدًا، دي آخر حاجة تيجي على دماغي، وبقول لكل صعيدي وصعيدية جزمتكم على راسي من فوق، وأنا ابنكم وابن ريف مصر، وأنا بقول لكل واحد زعل مني أرجوكم متزعلوش مني،ـ وأنتم أهل الصفح والكرم، وتحياتي لأهالي الصعيد".