شوبير ينصح ساسي بعدم الرحيل: «الزملكاوية شالوك على الراس»
نصح الإعلامي أحمد شوبير، التونسي فرجاني ساسي لاعب الفريق الأول لكرة القدم بنادي الزمالك، بعدم الرحيل عن الأبيض، والاستمرار ضمن صفوف الفريق، خلال الفترة المقبلة، خاصة بعد تلقيه عرضًا من الدحيل القطري، لضمه في الانتقالات الشتوية الجارية.
وقال شوبير، في تصريحات إذاعية، إن فرجاني ساسي يمتلك عرضًا مغريًا من الدحيل القطري، ولكن لابد من استمراره مع الفريق، خاصة وأن النادي يعامله أفضل معاملة ممكنة، مضيفًا: «بقول لساسي الناس في الزمالك شالوك على العين والرأس، كنت أول سنة هايل والناس عشقتك وغنت لك في المدرجات وبقيت زي سلطان زمانك في شوارع مصر، وفي تاني سنة مكنش مستواك مميز زى السنة الأولى ومع ذلك جمهور الزمالك نسي دا واستمر يدلعك».
وأضاف شوبير: «لو مشيت من الزمالك هتاخد فلوس ده ممكن بس ماحدش هيدلعك مش هتلاقي دلع الزمالك ده بره، وبقول للزمالك لو ساسي عايز يمشي فعادى عندكم إمام عاشور لاعب ممتاز ومستواه بيتطور وأداؤه ممتع بس محتاج شوية حاجات تتظبط وده دور باتشيكو وأشرف قاسم وعبد الحليم علي».
