رد عنيف من المخرج محمد سامي لمنتقديه بسبب مسلسل «لؤلؤ»
رد المخرج محمد سامي، على الانتقادات التي طالته على تسجيل عبارة «مُشرف على التأليف ومُخرج»، على مسلسل «لؤلؤ»، بطولة زوجته الفنانة مي عُمر.
وقال «سامي» في برنامج «The Insider»، المُذاع عبر قناة «دبي»: «من هو مخرج مسلسل مي؟!، هو مساعدي لمدة 6 سنين وأنا بقدمه، اللي عايز يبص للجانب الإيجابي هيقولك محمد سامي بيقدّم المساعد بتاعه وبيساعده، اللي عايز يبص للجانب غير الإيجابي، هيقولك محمد سامي بيشرف ليه؟!».
وتابع المخرج: «كل دا موضوع مايخصش أي حد بيتكلم فيه، يخص المنتج والمخرج والبطلة والصناع اللي إحنا هنا، والجمهور بيتفرج على العمل الدرامي، واللي بيتكلم في الحاجات اللي غيران». مُستكملًا: «لؤلؤ مسلسل حلو جدًا ومختلف والناس كلها عملت في مجهود، ومابحبش أتكلم عن الحاجات قبل ما الناس تشوف، وأنا ببشر الجمهور بأنهم هيتفرجوا على مسلسل كويس جدًا».
وحول اقتباس قصة حياة الفنانة شيرين عبد الوهاب، علّق: «مش هرد على الكلام دا عشان الناس بتحب تتكلم وخلاص، كل دي تكهنات وأفكار ومش شايف أنها صحيحة».
الجدير بالذكر أن مسلسل "لؤلؤ" هو بطولة مي عمر، وأحمد زاهر، ونجلاء بدر، ونرمين الفقي، محمد الشرنوبي، وإدوارد، وهيدى كرم، وسلوى عثمان، وعماد زيادة، وملك أحمد زاهر، وحمدى هيكل، وعدد آخر من الفنانين، ومن المقرر عرضه خارج موسم رمضان.
