الأزمة تشتعل.. القصة الكاملة لخناقة رامي صبري وعزيز الشافعي وتامر حسين بسبب عمرو دياب
فجر الفنان رامي صبري أزمة جديدة بينه وبين الملحن عزيز الشافعي، والشاعر تامر حسين، بسبب الفنان عمرو دياب، متهمًا إياهم بأخذ أغانيه وإعطائها للهضبة، لتشتعل الأزمة بينهم بعد رد كل منهم على الآخر بتصريحات قوية، عبر صفحاتهم الرسمية بمواقع التواصل الاجتماعي أمام جماهيرهم ومتابعيهم.
«مش هشتغل معاه تاني».. رامي صبري يوجه رسالة شديدة اللهجة لعزيز الشافعي وعمرو دياب
بدأت الأزمة بخروج الفنان رامي صبري والتعبير عن غضبه الشديد من الملحن عزيز الشافعي؛ بسبب أخذ أغنيتين منه وإعطائها للنجم عمرو دياب، من بينهم: "شكرًا كده للي سبنا"، و"زي مانتي"، معلنًا عن عدم تعامله معه مرة أخرى نهائيًا.
ونشر رامي صبري عبر صفحته الشخصية بموقع التواصل الاجتماعي "فيس بوك" منشورًا كتب فيه: "لتاني مرة الملحن عزيز الشافعي يأخد أغنية مني واحنا شغالين فيها ويديها لفنان تاني وهوالفنان عمرو دياب بنفس الشكل التوزيعي والموزع، أغنية شكرًا كده للي سبنا وأغنية زي مانتي لذلك قررت عدم التعامل معه مرة أخرى".
بعد اتهام رامي صبري له.. عزيز الشافعي يرد: «أنا اللي طلبت ميشتغلش معايا تاني»
هذا التصريح جعل الملحن عزيز الشافعي يخرج هو الآخر ويرد على رامي صبري، عبر صفحته بموقع التواصل الاجتماعي "فيسبوك"، وكتب: " مش هرد بالتفاصيل على كلام الزميل المحترم، عشان لما الواحد يبقى ليه فضل بعد ربنا ف نجاح فنان وبيزود رصيده مع الناس، بيعز عليه بعد كدة يقلل منه حتى لو تجاوز".
وأضاف: "رغم إن كلامه كله مالوش أي أساس من الصحة، أحب دايمًا أشوفه ناجح وبيكمل اللي عملناه.. وبشكره على استجابته لطلبي وقراري الشخصي اللي بعتهوله الصبح من خلال صديقنا المشترك محمد حامد بأننا منشتغلش تاني ونكتفي بنجاحاتنا".
وتابع "الشافعي" في منشوره: "بعتذر للسادة الصحفيين اللي بيتصلوا بيا مش عايز أدي الموضوع أكبر من حجمه وبكتفي بالبوست ده وبالكلام المحترم اللي كتبه زميلي وشريكي الشاعر تامر حسين على صفحته عن أغنية "شكرًا"، أما بخصوص زي مانتي، فممكن ترجعوا للصديق المشترك محمد حامد و تسألوه"، ناهيًا كلامه: "شكرًا لحد كده".
«ليه نقحم عمرو دياب في جملة مفيدة».. تامر حسين يرد على رامي صبري ويدافع عن عزيز الشافعي
ومن جانبه رد الشاعر الغنائي تامر حسين هو الآخر على رامي صبري، وكتب: "ردًا على شكرًا والمُهاترات اللي بسمعها.. ولا ليه بنجيب وبنقحم دايمًا اسم عمرو دياب فى جُملة مفيدة ؟ ايه الغرض؟.. ثانيًا: توقيت البوست لما الأغنية انتشرت وكسرت الدنيا بالتفاعل وإقبال الناس عليها والإشادة بيها يعني ليه الكلام ده".
وأضاف: "ليه مكنش فى أول يوم مثلاً؟ ده لو فعلاً الكلام على حق.. ثالثًا اللى اتعلمته ومن أدبيات المهنه ولازم الناس كلها تفهمه فكرة الذوقيات.. يعنى إيه؟ يعني نبارك لبعض نهنى بعض مش نتهم الناس فى عز نجاحهم بالباطل لما أى مُطرب فى الدنيا بتعجبه أغنية المؤلف والملحن بيعملوا تنازل عن حقوق الاستغلال للمطرب الآخر".
وتابع: "طالما ماحصلتش الخطوة دى من زمان تبقى الأغنية ملك الشاعر والملحن لحين اختيار الأفضل وارد جدًا تسمع مطرب زميل أغنية من سنة سنتين ولضعف الرؤية الفنية مايتخيلش نجاحها ده اللى بيفرق مطرب عن مُطرب ف سُرعة اتخاذ القرار أنا شايف إن فى تجنى على حق المُلحن عزيز الشافعي أدبيًا ومعنويًا دي شهادة حق".
وأردف تامر حسين: "مش شايف تمامًا أي داعي يسمح بالكلام والصراعات دي.. وللمرة المليون الناس المُحترمة ما تعلنش مشاكلها فى العلن.. عيب فى خصوصيات مايصحش ندخل الجمهور فيها ونتهم ناس محترمة بالباطل أكيد مش هنزل فويس نوت نستشهِد بيها واحنا أصحاب الحق وربنا يهدى".
وأنهى الشاعر تامر حسين كلامه: "أخيرًا ياما ناس سمعت أغانى من سنه وسنتين ومكنش ليهم نصيب فيها ماعملهوش اللى بيتعمل ده لما الأغنية تنجح بالعكس فرحوا واتمنوا إنها ياريت لو كت أغنيتهم بكل حُب وتقدير وروح حلوة وده بوست بكُل حُب والله عشان معنديش كلام يتقال تانى مش عايزين الموضوع ياخد أكبر من حجمه، هي شُهرة لا لأغنية أكتر بس مابحبش الطريقة دي من الشهرة".
«إنتوا واخدين الرؤية بتاعتي».. رد قوي من رامي صبري على الشاعر تامر حسين
عاد الفنان رامي صبري من جديد ورد على الشاعر الغنائي تامر حسين، بعد تدخله في أزمته مع الملحن الغنائي عزيز الشافعي، ودافع عن الأخير، ومطالبته بتهنئة زملائه بنجاحهم بدلًا من افتعال المشاكل، مشيرًا إلى أنه خسر واحدًا كان يحبه ويحترمه.
ونشر رامي صبري عبر صفحته الشخصية بموقع التواصل الاجتماعي "فيسبوك" رد على الشاعر الغنائي تامر حسين، قائلًا: "ومين اللي ادالك الأغنية دي تكتبها يا محترم ياللي دخلت نفسك وكتبلي بوست طويل عريض.. مين اللي بعتلك الأغنية تكتبها؟".
وأضاف: "ورؤية إيه اللي بتتكلم عنها وإنتوا واخدين الرؤية بتاعتي من الموزع نفسه؟ لو حضرتك عندك رؤية معملتهاش ليه مع موزع تاني غير وسام؟ دخلت نفسك ودافعت عن الغلط بغلط.. وخسرت واحد كان بيحبك وببحترمك جدًا للأسف".
