بعد اتهام رامي صبري له.. عزيز الشافعي يرد: «أنا اللي طلبت ميشتغلش معايا تاني»

رد الملحن الغنائي عزيز الشافعي، على الفنان رامي صبري، بعد اتهامه له باتخاذ أغانيه التي كان مقرر التعاون مع بعضهما فيها، وإعطائها للفنان عمرو دياب، متمنيًا له النجاح في طريقه.

ونشر عزيز عبر صفحته الشخصية بموقع التواصل الاجتماعي "فيسبوك" منشورًا كتب فيه: "مش هرد بالتفاصيل على كلام الزميل المحترم، عشان لما الواحد يبقى ليه فضل بعد ربنا ف نجاح فنان وبيزود رصيده مع الناس، بيعز عليه بعد كدة يقلل منه حتى لو تجاوز".

وأضاف: "رغم إن كلامه كله مالوش أي أساس من الصحة، أحب دايمًا أشوفه ناجح وبيكمل اللي عملناه.. وبشكره على استجابته لطلبي وقراري الشخصي اللي بعتهوله الصبح من خلال صديقنا المشترك محمد حامد بأننا منشتغلش تاني ونكتفي بنجاحاتنا".

وتابع "الشافعي" في منشوره: "بعتذر للسادة الصحفيين اللي بيتصلوا بيا مش عايز أدي الموضوع أكبر من حجمه وبكتفي بالبوست ده وبالكلام المحترم اللي كتبه زميلي وشريكي الشاعر تامر حسين على صفحته عن أغنية  "شكرًا"، أما بخصوص زي مانتي،  فممكن ترجعوا للصديق المشترك محمد حامد و تسألوه"، ناهيًا كلامه: "شكرًا  لحد كده".

وكان رامي صبري نشر عبر صفحته الشخصية بموقع التواصل الاجتماعي "فيس بوك" منشورًا كتب فيه: "لتاني مرة الملحن عزيز الشافعي يأخد أغنية مني واحنا شغالين فيها ويديها لفنان تاني وهو الفنان عمرو دياب بنفس الشكل التوزيعي والموزع، أغنية شكرًا كده للي سبنا وأغنية زي مانتي لذلك قررت عدم التعامل معه مرة أخرى".