الفنان دياب: شخصيتي في «قلبى ومفتاحه» مليئة بالتناقضات

قال الفنان دياب، إن دوره في شخصية "أسعد" بمسلسل "قلبى ومفتاحه" مليئة بالتناقضات وده سر جمالها، وإحنا بنقابل من الشخصية دى كتير فى حياتنا بمختلف الثقافات والمرجعيات، لكن إحنا للأسف دايما بنتنكر لطباعنا".

وأوضح دياب خلال مداخلة لبرنامج "العيد فرحة" المذاع على قناة dmc، أن "التحضير للشخصية كان عن طريق المذاكرة مع المخرج تامر محسن، واهتمامه بكل تفاصيل الشخصية، وأنا طول الوقت مهتم بأن الشخصية تكون حقيقية".

وتابع دياب: "كنت بخرج المخزون الاستراتيجى اللي فى دماغى من الشخصيات اللى بقابلها فى حياتى، بجانب السيناريو وقعداتى مع تامر محسن والعمل على خروج أكبر قدر ممكن من تفاصيل الشخصية، والحمد لله نجحنا فى ده ووصل للناس، وعلشان كده الجمهور تفاعل معاها والناس قالت فى آخر حلقة إحنا متعاطفين مع أسعد مش عارفين نكرهه".