الرئيس السيسي: مصر دولة كبيرة أوي

قال الرئيس عبد الفتاح السيسي: "مصر دولة كبيرة أوي، كل سنة وانتو طيبين، وعيد سعيد علينا كلنا وإن شاء الله الأيام الجاية تبقى أفضل من الأيام اللي فاتت، مش عاوز أطول عليكم، وعارف الإجراءات والمراسم والصلاة بتاخد وقت كبير، وأنا في كل مرة بفكر نفسي وأفكركم وأقول لكم قداسة البابا له مكانة كبيرة في قلبي واحترام كبير، ربنا يحفظه ويحميه ويحميكم".

وأضاف الرئيس السيسي خلال زيارته مقر كاتدرائية ميلاد المسيح بالعاصمة الإدارية الجديدة، مساء اليوم الإثنين: "كل عام وانتو طيبين، وقداسة البابا بخير وسلام، وإحنا كلنا إن شاء الله بخير وسلام، إحنا كمان بنحبكم وانتو اخواتنا وحبايبنا".

وتابع: "إن شاء الله عام سعيد، وسنة إن شاء الله تبقى أفضل من السنوات الماضية، بتابع كل الأمور وبشوف كل ردود الأفعال، والقلق يمكن يكون مبرر، لازم تعرفوا، ومش بكلمكم انتو بس، بكلم الدنيا في مصر وبرا مصر من خلالكم، إن شاء الله السنة دي تبقى أفضل من السنوات اللي فاتت".