«مفيش نصيب لكن نعدكم بالفرحة المقبلة».. أفشة يعتذر لجماهير الأهلي بعد الخسارة أمام باتشوكا
نشر
نشر محمد مجدي "أفشة" لاعب النادي الأهلي ومنتخب مصر، ستوري عبر حسابه الرسمي على الانستجرام، يعتذر فيه لجماهير القلعة الحمراء، عقب خسارة الفريق أمس السبت أمام باتشوكا المكسيكي بنصف نهائي كأس إنتركونتيننتال (كأس التحدي).
وكتب أفشة: “أنا عارف إنكم زعلانين، ما هي حاجة تزعل بصراحة كانت فرصة كبيرة نحط الأهلي في المكانة اللي يستحقها”.
وأضاف: بعتذر جدا كنت أتمنى نكسب والله بس مفيش نصيب، ضربات الجزاء لعبة حظ والكورة كانت قريبة.
وتابع أفشة: محدش قصر في الماتش نفسه وكنا قريبين نخلص لكن هي دي الكورة، والموسم السنة دي صعب جدًا.
وواصل: عندنا أفريقيا بعد يومين وبعدين ضغط الدوري، وبدون مساندة ودعمكم زي العادة هيبقى موسم صعب.
واختتم نجم الأهلي: على الحلوة والمرة معاه، وتقبلوا أسفي وإن شاء الله نرجع نفرحكم.
