إلهام شاهين وخالد الصاوي.. فنانون أصيبوا بشلل في المعدة بسبب حقن التخسيس «أضرار خطيرة»

كشف الفنان إدوارد، عن تعرضه لأزمة صحية مؤخرًا بسبب حقن التخسيس التي تسببت فى إصابتها بشلل مؤقت فى المعدة، وروى إدوارد التفاصيل عبر حسابه على فيس بوك ونشر الكلام عبر خاصية ستورى على حسابه على إنستجرام.

منى فاروق تعلن إصابتها بشلل في المعدة بسبب حقن التخسيس

فنانة شهيرة تتعرض لشلل المعدة بسبب حقن التخسيس

مرض إدوارد

وكتب إدوارد، قائلاً: "مواظب على دايت مع الدكتورة والحقن لحد الأسبوع اللي فات فجأة غير جعان خالص وقعدت حوالي 4 أيام ولم أدخل حمام ولا قادر أكل ووجع في معدتي جامد، دكتورة التغذية قالتلي وقف الحقن وروح لدكتور جهاز هضمي فورًا وعملت كده روحت لدكتور قالي حصلي شلل مؤقت من الحقن في المعدة وكان مفروض تتابع معايا مع دكتورة التغذية قولتله أنا اللي كنت بطنش عشان كنت تمام، قالي الحقن مش وحشة ومفعولها كويس، بس أنا بنصح أقصاها 3 شهور بس تاخدها وتوقف فترة وترجع تاني، بس لازم طبعًا برده متابعة مع دكتور تغذية".

وأضاف: "من غير ما طول عليكم أنا بقالي أسبوع بتعالج وعملت كل التحاليل حتى صبغة على الكلى، والحمد الله معنديش غير شوية زيادة في الأملاح زي كل المصريين بطني بتتحسن واحدة واحدة، ولسة المعدة وجعاني، والدكتور قالي من 8 لـ9 أيام ترجع عادي، وإن شاء الله هبقى كويس، أنا حكتلكم تجربتي عشان بقولكوا إن الحقن مش وحشة وجابت نتيجة هايلة معايا بس لازم مع دكتور التغذية دكتور جهاز هضمي وكمان دكتور قلب لو أمكن عشان سرعة ضربات القلب، أتمنى أكون قدمتلكم معلومات كويسة عن تجربتي وربنا يشفي أي حد تعبان وأشوفكم دايما كويسين".

ولم يكن إدوارد إدوارد الفنان الوحيد الذي أصيب بشلل مؤقت في المعدة بسبب حقن التخسيس، بل أصيب العديد من الفنانين منهم منى فاروق وهند عبدالحليم وإلهام شاهين وخالد الصاوي.

منى فاروق 

كشفت الفنانة منى فاروق تفاصيل إصابتها بوعكة صحية شديدة أدت إلى دخولها المستشفى بسبب حقن التخسيس.

وكتبت منى فاروق، عبر خاصية «الاستوري» بحسابها على موقع «إنستجرام»: «الحمدلله على كل حال، توقف مؤقت في الجهاز الهضمي، عندي تهيج قولون مع إمساك وجرثومة معدة ونزيف بسبب شرخ، محتاجة منظار قولون ومنظار معدة يارب تعدي على خي ،خدوا بالكم من صحتكم، أرجوكم وقفوها، وادعوا لي بالشفاء العاجل".

هند عبد الحليم

بينما اتهمت الفنانة هند عبد الحليم حقن التخسيس بتدهور حالتها الصحية، قائلة: “عايزة أطمن كل اللي سألوا عليا واللي هقوله دلوقتي يمكن أفيد حد تاني اللي حصلي ده من حقن التخسيس”.

وتابعت:"مطولتش فيها كتير أخدتها لمدة شهر و أسبوع وبعدها تعبت جدًا وحصلي شلل مؤقت في المعدة ومكنتش عارفة أكل ولا أشرب وفي ألم رهيب وكنت قاعدة على المحاليل.. ونصيحتي لأي حد بيفكر ياخد الخطوة دي لازم تتابعوا مع دكاترة وتعملوا التحاليل اللازمة عشان تشوفوا جسمكم هيتقبل ولا لاء".

خالد الصاوي

كشف الفنان خالد الصاوي، عن رأيه في أفضل نظام غذائي لإنقاص الوزن، مشيرا إلى أن العمليات الجراحية أمر غير محبب بالنسبة له بالمرة، محذرا من الحقن التي تساعد على التخسيس.

وقال الصاوي خلال لقائه في برنامج "كلام الناس" مع الإعلامية ياسمين عز: أنا خسيت 20 كيلو وناقص 20 كمان، وعايز أحذر الناس أنا أخدت الحقن حصلي كارثة بعد 3 أو 4 شهور حقنة منهم أدت إلى توقف الجهاز الهضمي وروحنا المستشفى وقعدت يومين».

إلهام شاهين

وكشفت إلهام شاهين هن تلقيها حقن للتخسيس للإنقاص الوزن بسرعة لكنها أثرت على حياتها الصحية بالسلب قائلة " أنا خدت حقن بس مبنصحش حد ياخدها، بتجيب نتيجة قوية جدًا لكن بتتعب صحيًا، أنا ضعفت صحيًا مش بس ضعفت حجمًا، بتتاخد لفترة صغيرة لكن أنا بقالي كتير باخدها فعلشان كده ضعفت".

واستكملت: "لازم تتاخد مع دكتور مش حد ياخدها من دماغه، لأن فيه ناس بتسمع مننا حقن تروح تشتريها وتاخدها وده مؤذي، فعايزة أنصح إن لازم تتابعوا مع دكاترة".

تشمل بعض الأضرار التي ترتبط بهذه الحقن، وفقا لما نشره موقع “هيلثي”:

أضرار حقن التخسيس

1. آثار جانبية خطيرة: قد تسبب حقن التخسيس مشكلات صحية كارتفاع ضغط الدم، واضطرابات في نبضات القلب، ومشاكل بالجهاز العصبي.

بعض هذه الحقن تؤدي أيضًا إلى تقلبات مزاجية وسوء في الحالة النفسية.

2. إدمان الحقن: يعتمد الجسم بمرور الوقت على هذه الحقن، ما يزيد من صعوبة فقدان الوزن لاحقًا بشكل طبيعي.

كما أن بعض الأشخاص يواجهون صعوبة في التوقف عن تناولها بسبب الاعتياد على الجرعات الدورية.

3. تكلفة مرتفعة وأعباء مالية: تكلفة حقن التخسيس تكون باهظة وتستوجب متابعة طبية مستمرة، ما يضيف أعباءً مالية لا يستطيع الجميع تحملها.

نظراً لمخاطر حقن التخسيس، يلجأ الكثيرون إلى بدائل طبيعية لتحقيق نفس الأهداف بدون التأثيرات الجانبية.