نادين نجيم تكشف سر عدم مشاركتها في أعمال الدراما المصرية

ردت الفنانة نادين نجيم، على سؤال حول عدم مشاركتها في أعمال مصرية، سواء في السينما أو الدراما، وقالت: "أنا عايزة أمثل في مصر، جالي كتير عروض وكنا مرتبين لكل شيء، بس الأدوار مش بتعجبني".

وأضافت خلال لقائها مع الإعلامية إسعاد يونس، ببرنامج "صاحبة السعادة" الذي يذاع على قناة "dmc": "الأدوار بحس ان مش فيها تحدي ليا، أنا حابة أن الدور يطلع إمكانياتي للشعب المصري، بتبقى أدوار إمكانيتها محدودة، ممكن أي حد يقوم به".

وقال: "الأدوار البسيطة مش بعرف ألعبها، بغرق في شبر مياه، يعني المشهد الخفيف بياخد مني اهتمام أكتر من المشهد الصعب".

وقالت نادين نجيم، إن كل نجمات مصر القدامى، علقوا في أذهاننا، مشيرة إلى أن أكبر ما شغلها بخصوصهن، هو كيفية بناء أنفسهن كنجمات، وكيف يخترن الأدوار؟

وأضافت خلال لقائها مع الإعلامية إسعاد يونس، ببرنامج "صاحبة السعادة" الذي يذاع على قناة "dmc": "انشغلت بطريقة اختيارهن بالأدوار، تحس انهم مش بيمثلوا، وبتحسي ان دي شخصيتهم الحقيقية، لدرجة أنك تحسي أن ده اللي بيحصل في حياته حقيقي".

وقال: "لما دخلت على مجال الفن، كنت بحب السينما الأجنبية، وهنا بدأت أركز شوية مع الفن والفنانين، وبعدها اشتغلت مع أكبر النجوم، وكنت بنتبه لكل الملاحظات اللي بتتقالي، وحصلت على خبرة من كثرة المشاركة في الأعمال الدرامية، وعرفت لغة المخرجين".