محمد فراج: الممثل المصري مظلوم وعندنا مواهب كتير تستحق تكون في مكانة أفضل

حضر أبطال فيلم فوي فوي فوي ندوة عن العمل خلال فعاليات creative industry summit، وهم النجم محمد فراج والمنتج محمد حفظي والمخرج عمر هلال، ليتحدثوا عن رحلة الفيلم وترشحه للأوسكار، ويدير الندوة المذيع شريف نور الدين.

وقال محمد فراج: "الممثل المصري مظلوم، وليه مظلوم لأننا عندنا مواهب كتير أوي مختلفة من وجهه نظري تستحق أنها تكون فى مكانة أفضل من اللي هي فيه، والاهتمام بالممثل مش بيهتم به هنا فى مصر بالشكل المطلوب لأنه بالدليل أي مصري بيطلع بره لو مكسرش الدنيا الناس بتشيد به، احنا نمتلك مواهب وقدرات أمام ووراء الكاميرا خطيرة بره بيهتموا إزاى يصنعوا نجم، هنا الممثل جنب تمثيله وأفكاره ورحلته وطالع عينه بيفكر هيوصل إزاى فى كل ده لوحده مش هيعرف وفى كم المواهب الذى عافا عليها الزمن ومتشفتش عشان خاطر أسباب كتير لا تمت للعدل ولا للصناعة".

فيلم "فوي! فوي! فوي!" من بطولة محمد فراج، ونيللي كريم، وبيومي فؤاد، وطه دسوقي، ومحمد عبد العظيم، وحنان يوسف، وإنتاج محمد حفظي، وتأليف وإخراج عمر هلال في أول تجربة روائية طويلة.