«فلوسي راحت وببتدي صفحة جديدة».. سرقة أحمد سعد في إيطاليا والمقتنيات بالملايين

سرقة أحمد سعد .. تصدر المطرب أحمد سعد محركات بحث جوجل تريند في الساعات القليلة الماضية، بعد تعرضه لسرقة مقتنياته التي تحتوي على عُقد وساعات ثمينة وتقدر بالملايين، بعد حفل زفاف نجل الإعلامية بسمة وهبة في إيطاليا.

وعلق أحمد سعد على السرقة وقال في تصريحات لبرنامج «ET بالعربي»: «أنا مبحبش اتكلم في خسائر لأن المكاسب من عند الله الخسائر دي ولا حاجة، بس في حاجات زعلت عليها زي أول ساعة اشتريتها وحاجات ذو قيمة مادية ومعنوية اتسرقت كلها، الناس قعدت تقول أحمد لابس الشبكة اهي راحت الشبكة، فلوسي اللي فاتت راحت، أنا لسه ببتدى صفحة جديدة».

سرقة أحمد سعد

كما علقت الإعلامية بسمة على سرقة مقتنيات المطرب أحمد سعد، عقب حضوره حفل زفاف نجلها، الذي أقيم الجمعة الماضية 20 سبتمبر في إيطاليا وسط حضور عدد كبير من نجوم الفن والإعلام.

وقالت بسمة وهبة، خلال لقائلها ببرنامج «ET بالعربي»: «حد الظاهر عارف أن ده أحمد سعد وأن الشنطة دي فيها إيه أو مراقبه، لأن دي الشنطة اللي فيها ساعات براندات وفيها العقد اللي الناس كلها قعدت تتكلم عليه».

واضافت: «واللي بيقولوه الناس أنا مش بعتبره نق أنا بعتبر أن ده حسد، وأنا لما أقولك ايه اللي انتي لابساه ده؟، أنا كده حسدتك معناه اني مستكتره عليكي، هو ده الحسد إن أنا بستكتر النعمة عليكي، ارتاحو أحمد سعد كل اللي انتم نبرتم عليه اتسرق».