محاكمة أحمد ياسر المحمدي.. قرار جديد من جنايات عابدين بنقل الجلسة لغرفة المداولة

قررت الدائرة 30 جنايات عابدين نقل محاكمة اللاعب أحمد ياسر المحمدي إلى غرفة المداولة، استجابة لطلب دفاع اللاعب الذي طلب من المحكمة نظر القضية في غرفة المداولة.

اعترافات أحمد ياسر المحمدي

وأدلى اللاعب أحمد ياسر المحمدي، تحقيقات القضية باعترافاته تفاصيل الواقعة بالكامل، حيث قال: «حسابي على تطبيق إنستجرام مفتوح للكل، وتعرفت من خلاله على فتاة بعد ما عملت لي متابعة وأنا كمان، ومتواصلتش معاها أبدا، وكنت في الفترة دي بجهز لحفلة عيد ميلادي، وعزمت ناس أصحابي وبنات أعرفها في قطر، وبعدها فكرت أعزمها من باب التعرف عليها».

وأضاف أحمد ياسر المحمدي خلال التحقيقات: «البنت كانت جميلة وشعرها أصفر وتواصلت معاها على إنستجرام وعزمتها وقولت لها ممكن تجيبي أصحابك كمان، وقالت لي إنها هتيجي العيد ميلاد، وأخدت رقمها وبعتتلي لوكيشن بيتها عشان أروح أجيبها، ولما روحت البيت كانت الخدامة بتاعتي ماشية، والبنت سألتني على حاجة نشربها، قولت لها عندي وجبت الشيشة وعملت لها كاس وقعدنا لوحدنا مكنش لسه في حد جه».

وأكمل أحمد ياسر المحمدي في اعترافاته: «شيشت أنا وهي قعدت تهزر معايا وبعدها واحد صاحبي جه البيت وقعد معانا وعرفتهم على بعض، وطلعت عشان أغير هدومي قبل الحفلة وهي جت معايا تشوف بيتي، ولقيتها قعدت على السرير وبعدها مارسنا علاقة كاملة برضاها، ولما قومت أغير هدومي لقيتها بتقول إنها مكنتش عايزة كده، وساعتها نزلت من الأوضة وكانت ماشية، قلت لها: مش هتحضري العيد ميلاد؟ قالت لي: لا أنا عندي شغل الصبح».

وتابع: «حضرنا حفلة عيد ميلادي وبعدها تاني يوم قسم الشرطة كلمني وقالي متقدم فيك بلاغ تعدي على فتاة، وروحت واتحقق معايا وقلت إن كل حاجة كان برضاها واتحبست هناك واتحكم عليا وبعدها في الاستئناف خدت براءة من تعاطي الكحوليات وحبس 5 سنين في التعدي عليها، وساعتها رجعت مصر وفضلت قاعد في بيت أخويا، وسافرت شرم الشيخ وهناك اتقبض عليا واتعرضت على النيابة».

تفاصيل التحقيقات مع اللاعب أحمد ياسر المحمدي

أجرت النيابة العامة بوسط القاهرة تحقيقات موسعة مع اللاعب الذي أنكر جميع الاتهامات المنسوبة إليه بإجباره الفتاة على معاشرته، حيث نفى خلال 7 ساعات تحقيقات أجرتها النيابة مع اللاعب أحمد ياسر المحمدي الاتهامات المنسوبة إليه؛ مؤكدا عدم معاشرته الفتاة مقدمة البلاغ رغما عنها، مدعيا أن المجني عليها صديقته.

وألقت الأجهزة الأمنية في قطر القبض على اللاعب وأحالته إلى جهات التحقيق التي باشرت التحقيق معه، ونفى ارتكاب الواقعة وأكد أن البلاغ كيدي، وبناءً على ذلك قررت إخلاء النيابة في قطر سبيل اللاعب على ذمة القضية، حتى يتم توقيع الكشف الطبي على المجني عليها وبيان صحة أقوالها والاتهام الموجه من عدمه، ولكن تبين أن المتهم سافر إلى مصر ونزل بمنطقة شرم الشيخ.