علي جمعة يجيب.. لماذا النساء أكثر أهل النار؟

أجاب الدكتور علي جمعة، مفتى الديار المصرية السابق، على سؤال: لماذا أغلب أهل النار من النساء؟ مثلما قال رسول الله «صلى الله عليه وسلم»، هل هى فطرة عند النساء إنهم يذنبوا أكثر من الرجال؟.

وأجاب الدكتور على جمعة، مفتى الديار المصرية السابق، خلال حلقة برنامج «نور الدين» فقال: «لأ دى مش فطرة، ده صفات تانى منها الاستهانة بالتعليم، المرأة عبر القرون لم تهتم بالتعليم، فاللى حصل حاجة بنسميها فى علم الاجتماع، امرأة ألف ليلة وليلة، اللى هى كنا زمان نقول إمراة الكنبة والشلت، الرغى ويجيبوا فى سير الناس وغيبة ونميمة، والحاجات دى كلها فى الصورة النمطية للمرأة».

وتابع الدكتور علي جمعة: «بعد كده ربنا من علينا، وفاق الناس فى القرن التاسع عشر، ابتدأ الناس بتعليم البنات، ومحمد على باشا فتح مدرسة وتعلم فيها 60 بنت، وبدأ من هنا مشوار التعليم اللى غير وجه مصر، ووجه العالم كله، لما اتعلمت راحت الصفات اللى جاية من الجهل والأمية والحبسة، وجاية من الاهتمام بعالم الأشياء دون عالم الأفكار، واليوم المرأة أصبحت وزيرة وسفيرة ومفكرة، وكاتبة، وكلما كانت المرأة تخرج وتتعلم كل ما الصورة النمطية بتاعت ألف ليلة وليلة مش موجودة».