اعترافات الأوضة السودة.. رامز جاب من الآخر: انتصار بتاعة مشاكل وميرهان حسين اعتزلت عشان الترند
وقعت النجمتان انتصار وميرهان حسين في فخ حلقة اليوم من برنامج "رامز جاب من الآخر"، الذي يقدمه الفنان رامز جلال عبر قناة MBC مصر، وبدأ رامز الحلقة بمقدمة ساخرة.
وقال رامز جلال: "النهاردة معانا جوز اللبط اللي بيثيروا اللغط، وجوز خيل عايز يتربط، واحدة بتتخانق مع دبان وشها، فنانة لسانها طويل وحيزبونة، والموضوع وصل إنها بقت مجنونة، وضيفتنا الثانية غندورة وسنيورة، لكن للأسف مخها لاسع ومهبوشة وبحالات، مرة متوهجة ومركزة وبتعمل مسلسلات، ومرة هبطل تمثيل واعتزل وانسى كل اللي فات، ولما رجعت فتحت صفحة الارتباط والجوازات، وفجأة عملت بوست وقالت خطيبي سابني لوحدي، فيها إيه لما خطيبك يسيبك علشان واحدة تانية، صدقيني يا أختي مش آخر الدنيا".
رامز يسخر من ميرهان حسين
وبمجرد لقائه مع ميرهان حسين، سخر رامز من إطلالتها قائلا: "المزة اللي مثبتة الساحل كله تتخض كده، إيه جاكيت جمعة الشوان ده؟"
وسأل رامز ميرهان قائلا: "ميرهان تتعمد نشر صور جريئة وملفتة على السوشيال ميديا لزيادة عدد المتابعين"، لترد قائلة: "دي صور عادية".
انتصار في رامز جاب من الآخر
أما انتصار فسخر رامز من إطلالتها قائلا: "إيه تسريحة ملكة الجان دي؟ ضاربة كليم فوق القميص وجايباه من كرداسة، وإيه تسريحة شفيقة ومتولي دي؟".
وسأل رامز انتصار قائلا: "انتصار تشعر بتأنيب الضمير لأنها ظلمت شيماء سيف"، فأجابت قائلة: "الموضوع من 12 سنة وزهقت منه، إزاي أصالح واحدة كل سنة تطلع في برنامج تتكلم عني وتقبض؟"
اعترافات الأوضة السودة
وفي فقرة الغرفة السوداء، قال رامز لانتصار وميرهان حسين: «انتو الاتنين مصدر صداع في الوسط الفني .. أخبار مشاكلكم أكتر من أخباركم الفنية.. أنا محمل بتوصيات كتير من الوسط الفني إني أعلمكم الأدب..»
ووجه سؤالا لانتصار : كاملة أبو ذكري فنانين كتير نفسهم يتعاملوا معاهما اتخانقتي معاها.. لترد منخانقتش معاها هي اللى اتخانقت معايا.
وأخذ من انتصار اعترافا بأنها تعمل مشاكل: «تعترفي إنك بتعملي مشاكل».. لترد: «اه بعمل مشاكل».
وتوجه لمريهان حسين: «وانتى بتعملي مشاكل لترد: لا .. ليواجهها مرة أخري: اعتزلتي عشان تعملي تريند ولا لا؟.. انطقي: لا جالي اكتئاب.. ليقاطعها: بيجي يومين ويرح الكتئاب»
ويشهد برنامج "رامز جاب من الآخر" الذي يذاع يوميا عقب أذان المغرب كالعادة أجواء من الرعب والتشويق والإثارة تجاه الضيوف، وقد أثار البرومو ردود أفعال إيجابية من جمهور ومُتابعي النجم رامز جلال في مصر والوطن العربي، نظراً لما احتواه من مشاهد تجمع بين الرعب والكوميديا في الوقت ذاته بسبب المغامرات المُثيرة وغير المتوقعة التي تواجه النجوم الذين وقعوا في فخ رامز.
ووقع في فخ رامز هذا العام عدد كبير من نجوم الفن والرياضة والإعلام منهم، أحمد السقا، سمية الخشاب، باسم سمرة، حمدي المرغني، أيتن عامر، حسن شاكوش، نجلاء بدر، أحمد حسام ميدو، حمادة هلال، محمد رياض، باميلا الكيك، محمد شاهين، حسن عسيري، والعديد من النجوم الآخرين
