عصام كاريكا يكشف سبب ندمه على أغنية «حب إيه» في فيلم اللمبي
كشف الفنان عصام كاريكا كواليس أغنية «حب إيه» من فيلم «اللمبي»، حيث أكد أنه حزن من نفسه عندما قدمها.
وقال في لقائه مع الإعلامية منى الشاذلي في برنامج «معكم منى الشاذلي»: «زعلت من نفسي لما قدمت أغنية (حب إيه)، ولو رجع بيا الزمن وأنا بعملها هرفض إني أعلم جيل جديد حب إيه بالطريقة الليمباوية مش بطريقة أم كلثوم».
وتابع: «لو رجع بيا الزمن مش هعملها، ليه ألعب في الحتة دي؟! وكواليس الأغنية قالوا لي ده واحد خارج عن الوعي وبيغني».
وأوضح: «أنا صاحب الفكرة.. اللمبي داخل فرح وغنى في الأول حب إيه، وبعدين قلب لمبي».
كاريكا يكشف كواليس أغنية محمد سعد في فيلم بوحة
كشف الفنان عصام كاريكا، كواليس أغنية «نسيت الغرام» والتي غناها محمد سعد في فيلم «بوحة».
وقال: «الأغنية يغنيها مطرب وبينا خلاف كبير بسبب الأغنية دي، ومن ساعتها متعاملناش تاني عشان طلب يغير كلمات الأغنية، وأنا قولتله مينفعش».
وأضاف: «كلمات الأغنية الأساسية بتقول: أول ما عرفت إنك عايزني جيت قوام، ما أقدرش أستغنى عنك يا معلمني الغرام، وهقولك برضه عيني يا وحشني ألف عيني، وهقولك برضه عيني ياللي في بعدك كاويني، أؤمرني هتلاقيني تحت السلم بنام».
وتابع: «القافية متماشية، محمد سعد حب يغيرها لـ(أول ما عرفت إنك عايزني جيت قوام، ما أقدرش أستغنى عنك يا معلمني الغرام، وهقولك برضه عيني يا وحشني ألف عيني، وهقولك بردة عيني يلي في بعدك كاويني، أؤمرني هتلاقيني سجادة بين إيديك)».
واستطرد: «قلت له مينفعش، زعل وكان هيمشي، فكلمت المنتج وقلت له مش فاهم «جملة سجادة بين إيديك»، فقال لي مشي الأغنية، الفيلم وقف بسببها، فقلت له بنعمل حاجة غلط، ومشيت الأغنية زي ما اقترح سعد»، موضحا: «لسه زعلان وبموت كل ما بسمعها».
