الرئيس السيسي: «اللي اتعمل في بلدنا حرام يضيع مننا والموارد محدودة جدا»

التقى الرئيس عبد الفتاح السيسي، عددا من المسؤولين والإعلاميين على هامش احتفالية وزارة الداخلية بعيد الشرطة الـ72.

وتحدث الرئيس السيسي، عن الأوضاع فى مصر، وقال: "اللى اتعمل في بلدنا حرام يضيع مننا، ربنا سبحانه وتعالى أعاننا فى ظل ظروف دولة زى حالتنا، وتعمل اللى عملته".

أضاف الرئيس السيسي، فى لقائه عدد من المسؤولين والإعلاميين على هامش احتفالية وزارة الداخلية بعيد الشرطة الـ72: "عندك عدد كبير من الناس ومواردك محدودة جدا، وأنت متصور إن الموارد دى تكفى كل شىء.. لا".

وتابع: "احنا زدنا 26 مليون من 2011 لحد انهاردة، هو ده رقم مالوش تأثير أو مطالب في كل شيء وكل قطاع؟".

وقال: "بقول الأول هل هى كانت أزمة أولويات؟ لا، بس أنا بتكلم كراصد رأى عام فى مصر، وقدرته على التحمل بعد فترة صعبة مرت قبلها، ثم فى 2011 و2012 و2013، ومعندوش أمل وحالة إحباط كبيرة، وكانت التفجيرات فى كل مكان، والناس حاسة بالبلد بتضييع، وأنت كنت عاوز تقفز بهم من الحالة المعنوية وحالة الإحباط وعدم الثقة لحالة تانية".

وتابع: “الأمور كانت ماشية كويس، بجد، لغاية 2020، وكان معدل النمو أكثر من 6%، و6% مش لفئة ولطبقة، لا للكتلة الغالبة وللناس اللى بنستهدفها دايما، وأي مسئول عينه على مين؟ مش على الأسرة الغنية، لكن مع الغلبان اللي بيطحن، هيجيب منين ويأكل ولاده منين ويودي أولاده المدرسة إزاي، ويدفع كهرباء ومياه ويجيب لبس إزاى لما الدنيا تبقى صعبة كدة”.

وتابع الرئيس السيسي: عدد السكان شهد زيادة بنحو 26 مليون نسمة منذ 2011 ، مضيفا أن الزيادة السكانية تؤثر بشكل سلبي على جهود التنمية.

وكان الرئيس عبدالفتاح السيسي قال إن استقرار الدول والحفاظ على أمنها يتحمله كل أبناء الشعب، مضيفا : أقدر حجم المعاناة والضغوط الاقتصادية في مصر وأقدر صلابة المصريين في مواجهتها".

أضاف الرئيس السيسى، خلال احتفالية عيد الشرطة الـ 72 اليوم :" الأزمات على حدود مصر لها تأثير وتداعيات على اقتصادنا، أي صعوبات ستمر طالما كنا على قلب رجل واحد".

وبدأ الاحتفال بالذكرى الثانية والسبعين لعيد الشرطة الذي يعقد بأكاديمية الشرطة بالقاهرة الجديدة بحضور الرئيس عبدالفتاح السيسي بتلاوة آيات من القرآن الكريم بصوت القارئ الشاب عزت جمال.

وشارك الرئيس عبد الفتاح السيسي، في صورة تذكارية مع الدكتور مصطفي مدبولي رئيس مجلس الوزراء، واللواء محمود توفيق وزير الداخلية وأعضاء المجلس الأعلى للشرطة، فور وصوله لأكاديمية الشرطة حيث يشهد احتفالية وزارة الداخلية بعيد الشرطة.

وكان الرئيس السيسي قد وصل إلى مقر أكاديمية الشرطة بالقاهرة الجديدة؛ حيث كان في استقباله اللواء محمود توفيق وزير الداخلية، وتم فور وصوله، استعراض حرس الشرف، وعزف السلام الجمهوري.