صلاح محسن يرد على اتهامات خيانة زوجته: «محادثات اتفبركت لتشويه صورتي»
بعد اتهامه بالخيانة الزوجية، رد مهاجم النادي الأهلي صلاح محسن، على الاتهامات، مؤكدًا أنه منفصل عن زوجته منذ فترة، وأن المحادثات التي تم تسريبها مفبركة.
صلاح محسن يخرج عن صمته
وقال صلاح محسن عبر حسابه على "إنستجرام": "في البداية بعتذر لكل الناس عن الحاجات اللي انتشرت دي، وأنا مش هعلق غير بحسبي الله ونعم الوكيل، الخلافات الزوجية عمر مكانها ما كان السوشيال ميديا، والخلافات دي كانت من فترة وحساباتي كانت معاها وللأسف محادثات اتفبركت لتشويه صورتي وبغرض الانتقام والقضاء على مستقبلي في كرة القدم".
وأضاف: "فيه حاجات كتير مش هينفع أتكلم فيها لأنها مهما كانت أم أولادي ومش هتكلم دلوقتي احتراما للناس واحتراما لأنها كانت في يوم من الأيام أقرب الناس ليا".
صلاح محسن يكشف تفاصيل انفصاله عن زوجته
وتابع: "مركز في مستقبلي من زمان ومركز جدا في تمريني ويجتهد لأن طموحي كبير جدا وعمر الحاجات دي ما هتوقف طموحي حتى لو كان غرضها كدا، ودي محنة كبيرة وصدمة ليا بس في الآخر حقي هاخده وعند الله تجتمع الخصوم".
واختتم: "الانفصال بيني وبين الأستاذة اللي كانت في يوم من الأيام مراتي، وهي أم أولادي، كان من فترة، واللي حصل غرضه تشويه صورتي والقضاء على مستقبلي".
