الرئيس السيسي يوجه الحضور في مؤتمر حكاية وطن بالمرور على الحي الحكومي
وجه الرئيس السيسي، الدكتور مصطفى مدبولي، رئيس مجلس الوزراء، باصطحاب الوزراء والمسؤولين والحضور في مؤتمر حكاية وطن للمرور على مقرات الوزرات في الحي الحكومي، بالعاصمة الإدارية الجديدة.
يأتي ذلك، لتسليط الضوء على المجهود المبذول في تطوير العمل داخل الجهاز الإداري للدولة.
الانتخابات الرئاسية
وقال الرئيس السيسي، في كلمة خلال مؤتمر «حكاية وطن»: «كلمة واحدة عاوز أقولها للناس عندكم فرصة للتغير في الانتخابات المقبلة، وأنا بقول كده والأمر كله لله، واللي ليه حاجة هياخدها، واللي قاله الدكتور مصطفى مدبولي، ممكن نتكلم ساعات في كل موضوع فيه».
وذكر الرئيس السيسي: «وأحنا معانا سياسيين هنا يقولوا ينفع حد يقول في فرصة في الانتخابات للتغيير، محدش هيدي حد حاجة ولا حد هياخد من حد حاجة، وأنا بقول يا ترا في يقين حقيقي أن الأمر كله لله ومحدش بياخد غير نصيبه، أحنا نقاتل من أجل البلد، لكن النصيب ده بتاع ربنا».
طريق العمل والجهد والمثابرة
وأوضح الرئيس السيسي: «إذا كان التقدم والبناء والازدهار ثمنه الجوع والحرمان أوعوا يا مصريين تقولوا ناكل أحسن.. لو ثمن التقدم والازدهار أن منكلش ومنشربش يبقى منكلش ومنشربش، يا جماعة أنتوا عاوزين تبقوا على الخريطة في دولة 95% منها صحراء».
وتابع: «مشكلة مصر في السنين اللي فاتت أنهم هزوا ثقة الناس في نفسهم، واستكتروا علينا طريق وكوبري، كتير أيه؟!، ده لسه بدري أوي من العمل والجد والمثابرة».
إعادة الثقة في نفوس المصريين
وكشف: «بسبب الثقة المفقودة والأمل الضائع اللي كان بيشكل جزء من وجدان المصريين، قولنا نعمل محاولة أن نعمل مشروع نجمع الناس عليه، وأحنا بنعمل ده كان دكتور أشرف سلمان، وزير استثمار، وقال نخلي بالنا من المخصص المالي للمشروع، بس أنا عاوز أدي الأمل للناس، وكانت الفائدة 10.5%، وقولت نفتح باب المساهمة في إنشاء القناة بـ12%، علشان تتحرك الناس، ويحطوا فلوسهم، ويحسوا أنهم بيشاركوا في حاجة كبيرة، ويا كامل يا وزير ربنا يكرمك، وده مكنش يتعمل في سنة أبدًا، وكانت في كتلة كبيرة من مصرية عنيها على المشروع».
وأكمل الرئيس السيسي حديثه: «دخل القناة كان من 4 إلى 4.5 مليار دولار، انهارده بنصل إلى 10 مليارات دولار، وفي نهاية 2023 سيصل دخل قناة السويس إلى 10.5 مليار دولار، والفكرة أن المشروع مكنتش ازدواج فقط، وجزء منها هو استعادة الثقة في الناس».
وأضاف: «كل ده كان بيتعمل وسط سقوط الشهداء والهجوم على منشآتنا، وأسر الشهداء لا يمكن أبدًا أننا ننساهم، ولازم نخلي بالنا من اللي ضحوا علشانه».
مؤتمر حكاية وطن
ويشارك في مؤتمر «حكاية وطن بين الرؤية والإنجاز» وزراء وسياسيون وشباب وإعلاميون وممثلون عن جميع فئات المجتمع.
ويعقد مؤتمر حكاية وطن على مدار يومين، ويتضمن جلسات عن الاقتصاد والطاقة والمشروعات القومية والبنية التحتية، فضلًا عن الأمن المائي والغذائي.
