«الحب مش بيتشحت».. حورية فرغلي تكشف عن أمنيتها المستحيلة بعد استئصال الرحم

باتت حورية فرغلي على رأس الترند بسبب تصريحاتها الأخيرة عقب عملية استئصال الرحم والتي كشفت فيها حورية فرغلي عن حالتها النفسية بعد العملية.

وقالت حورية فرغلي إنها اكتشفت وجود 9 أورام خبيثة بالرحم، كما أعربت عن حزنها بسبب عدم اطمئنان أحد من الوسط الفني على حالتها الصحية.

وقالت الفنانة حورية فرغلي إن والدها جراح وصديق الطبيب، وطمأنها بأن العملية بسيطة وعبارة عن بعض الأورام ستجرى بالمنظار، وتابعت: اكتشفت بأن الموضوع أكبر من ذلك، وعدد الأورام المكتشفة 9 أورام خبيثة.

وأضافت حورية فرغلي في مداخلة هاتفية مع برنامج مساء  DMC  أن الأورام كانت داخل الرحم بطول 6 سم و4 سم، ومن ثم كان لا بد من استئصال الرحم بالكامل، مُعلقة: مكنتش أعرف الحكاية دي إلا لما قومت من البنج، كنت نفسي أخلف بس ربنا مش رايد والحمد لله بمشي على رجلي وإن شاء الله هرجع لشغلي تاني وهيبقى عندي طاقة أكتر من الأول، والنزيف اللي كان بيجيلي كل شهر كان بيستنزفني والهيموجلوبين كان عندي 3.. بقول للناس اللي بتدعيلي أنا لو كويسة فهيكون بسبب دعاكم.

وأكدت الفنانة حورية فرغلي، إنها استئصلت 9 أورام داخل الرحم، كاشفة أنه سبق ومنحها الطبيب الذي كان مشرفا على حالتها الصحية فرصة لمدة 10 سنوات للزواج، ومحاولة الإنجاب، وخلال عملية الإنجاب يستئصل الرحم في الوقت ذاته.

حزن حورية فرغلي

وقالت حورية فرغلي، إنها خرجت من المستشفى ولم يتواصل معها أحد أو زيارتها في المستشفى: معرفش مين نزل الصورة وأنا في المستشفى، وكيل أعمالي أكيد اللي نزل الخبر علشان الناس تعرف، لأن المستشفى كلها عرفت، فهو كان عاوز يطمن الناس أو حاجة.. بس أنا زي الفل.

وأوضحت أنها كانت تنتظر زيارتها من أي شخص يعرفها ويحبها، متابعة: دة الطبيعة.. أنا لو شوفت حد مرتين تلاتة ويعمل عملية كبيرة لازم أروحله، بس الحب مش بيتشحت ولا الحنية، ووالدتي بالنسبة ليا الدنيا كلها.

أمنية حورية فرغلي 

قالت حورية فرغلي: رُحت لجمعية الأورمان للأطفال ذوي الاحتياجات الخاصة، وتكفلت برعاية طفلين ولكن لما طلبت اتبنى الطفلين رفضوا علشان أنا مش متجوزة".

 وأضافت حورية فرغلي خلال مداخلة مع برنامج "كلمة أخيرة" الذي تقدمه الإعلامية لميس الحديدي عبر قناة "أون إي": "كنت بزور الطفلين كل إجازة وتكفلت برعايتهم، لكن ماتوا وهما عندهم 6 سنوات".

وتابعت: نا بعشق الأطفال وكان نفسي أتجوز، وأنجب.. بس كدة حلم الإنجاب تبخر بعد استئصال الرحم ومفيش جواز خلاص.. نفسي أتبنى طفل وأرعاه وأربيه في بيتي.. أنا متألمة إن مفيش أطفال في حياتي، وبحمد ربنا في كل ثانية ويمكن لو خلفت ولد يبقى مش طبيعي أو عاق وعلشان كده راضية بقضاء الله وقدره وبعتبر كل البنات بناتي وكل الولاد ولادي.