الرئيس السيسي: لو مكانش فيه بنية أساسية تليق بالدولة هتبقوا مبتعملوش مستقبل
تحدث الرئيس عبدالفتاح السيسي عن مشروعات البنية التحتية التي أنجزتها الدولة المصرية في عهده خلال السنوات الماضية، قائلا: «المستقبل بتاع البلد دي، إذا مكانش فيه بنية أساسية تليق بدولة هتبقوا مش بتعملوا مستقبل خالص».
وأضاف السيسي، خلال فعاليات افتتاح محطة تحيا مصر متعددة الأغراض،«إن كنتم بتقولوا الأكل والشرب، هقول حاجة صعبة هو إحنا حرمنا الناس؟! إحنا بنقسى على نفسنا شوية وأرجو إن ضيوفنا النهاردة ميتضايقوش من كلامي، أنا بكلم الناس في بلدنا، إنتو حاجة في بلدكم وإحنا حاجة تانية».
وتابع: «نحن نمثل جنوب المتوسط بتحدياته ومشكلاته، وأنتم في بلدكم أنهيتم هذه الأمور منذ سنوات طويلة، لديكم شبكة سكك حديدية تربط القارة الأوروبية كاملة وشبكة طرق تربط القارة الأوروبية كاملة ولديكم مصانع.. إحنا بنحاول نعمل حاجة عشان نعيش إحنا كمان».
وأكد الرئيس عبدالفتاح السيسي، أن الموانئ لم تشهد تطويرا مدة 25 عاما، مضيفا:" الرؤية علشان تتحقق وتحويل الدولة من حالة الى حالة تانية ورا منها أفكار وجهد وحاجات كتيرة على بعضها.. وعلشان الدولة تاخد مكانها وتستفيد من موقعها لابد من بذل جهد وتخطيط وتنفيذ وأرقام كبيرة جدا تضخ هنا".
وذكر أن المسار الذى تسلكه الدولة على مدار 25 عاما، كان مسارا جيدا، لكن من الممكن أن يكون فيه هناك أكثر من ذلك، مضيفا: "اللى احنا مشينا فيه 25 سنة كان مسار جيد.. لكن فيه حاجات ممكن تبقا أكتر من كده".
أضاف الرئيس السيسي، "إذا كنا عاوزين نستفيد من موقعنا الجغرافي اللى هو موجود وعلى محور شريان رئيسي للتجارة العالمية يمثل 12 - 13 % من التجارة العالمية.. طيب بعمل إيه؟.. قاعد بقالي سنين كتير بتفرج على ده وساكت .. ومقصدش من الكلام ده أتهم أي حد..لكن لما جت الفرصة بنعملها".
وتابع: "لا أتهم أحدا.. ولكن عندما جاءت الفرصة تم استغلالها، والدولة تعمل في كل شيء، ولذلك على الجميع أن يعلم أن هذا الأمر مهم وأن هذا هو الطريق للمستقبل".
أكد أنه يتحدث مع المصريين، من أجل أن يعلموا ما معنى كلمة دولة، حتى يعلموا ما معني الدولة الحقيقي، موضحًا أن “الدولة ليست أكل وشرب فقط”.
